Ñee zanda gacaniáʼ binni ni gucheecheniáʼ diidxaʼ la?
1. Xiñee galán chinenu tuuxa ora maʼ zigucheechenu diidxaʼ.
1 Ti biaje biseendaʼ Jesús 70 de ca discípulo stiʼ chigucheechecaʼ diidxaʼ, ne biseendabe laacaʼ «chupa chupa» (Luc. 10:1). Jneza ngue biseendaʼ Jesús laacabe zacá, purtiʼ zaqué nga gunda gucanésaacabe ne guluusaacabe gana laacabe ora bicheechecabe diidxaʼ. Yanna, xi zanda gúninu para gacanenu binni ni zinenu ca ora maʼ zigucheechenu diidxaʼ yaʼ.
2. Xiñee naquiiñeʼ gucaadiaga chaahuinu ora maʼ caníʼ xcompañérunu ne ximodo zanda gúninu ni.
2 Bicaadiaga. Bicaadiaga chaahuiʼ ora maʼ cucheecheʼ xcompañéruluʼ diidxaʼ (Sant. 1:19). Pa chiguundabe ti textu la? yenanda laabe lu Biblia stiluʼ. Biiyadxí laabe ora maʼ caniʼbe ne biiyadxí binni caníʼnebe ca ora guicabi. Pa gucaadiágaluʼ ora maʼ caniʼbe la? binni ni caníʼnetu ca laaca ziuulaʼdxiʼ gucaadiaga.
3. Pora ziuulaʼdxiʼ xcompañéruluʼ gacaneluʼ laa.
3 Pora naquiiñeʼ guininu. Ora maʼ raca caber xcompañéruluʼ guiníʼ la? zusihuínniluʼ runi respetarluʼ laabe pa gudiiluʼ lugar guiniʼbe ne cadi guchuuguluʼ lu stiidxabe (Rom. 12:10). Pa málasi qué guidxélabe xi guiniʼbe pur xiixa ni guníʼ binni o guinábabe lii gacaneluʼ laabe para guicábiluʼ xiixa ni gunabadiidxacabe laabe la? biyubi modo gacaneluʼ laabe, peru sin guiniʼluʼ de sti tema. Cadi guiaandaʼ lii naquiiñeʼ chinándaluʼ tema ni caníʼ xcompañéruluʼ (Pro. 16:23; Ecl. 3:1, 7). Zacá jma zacané ca diidxaʼ guiniʼluʼ ca para guiene binni ni guníʼ xcompañéruluʼ (1 Cor. 14:8).
4. Xi zacané laanu para chuʼ ladxidoʼno nayecheʼ ora maʼ canagucheechenu diidxaʼ.
4 Biluxe bicheeche si 35 pareja de discípulo que diidxaʼ, «nabé nayeche» bibiguétacaʼ (Luc. 10:17). Laanu laaca zabiguétanu nayecheʼ ne zadxá tipa ladxidoʼno pa gacanenu xcompañérunu, ra gucaadiaga chaahuinu ne guininu ora caquiiñeʼ gúninu ni.