Guidxaagalunu ca invitadu stinu

Cabézanu gueeda biaʼ doce millón de binni ni biʼniʼ invitarnu para Conmemoración 23 de marzo. Ni gutiidiʼ libana ca zusiene bidii Jiobá ti regalu sicarú binni guidxilayú ra gudixe pur laanu ti zacá cueendunu ni galán (Is 11:6-9; 35:5, 6; 65:21-23; Jn 3:16). Peru cadi hermanu si ni gudii libana dxi risaca riʼ nga gacané binni. Laanu laaca zanda guidxaagalunu ca binni biʼniʼ invitarnu (Ro 15:7). Guidúʼyanu caadxi cosa ni zanda gúninu.

• Lugar de cuinu lugar stinu ne cuézanu dede ora guzulú guendaridagulisaa ca, jma galán guidxaagalunu cani biʼniʼ invitarnu ne ca hermanu ni maʼ xadxí qué huacheeche diidxaʼ. Bixidxiné laacabe ne guca nachaʼhuiʼ né laacabe.

• Biʼniʼ tender ca binni ni biʼniʼ invitarluʼ, peru laaca naquiiñeʼ guni tenderluʼ ca binni ni cheʼ pur ucuaa ti invitación lu campaña ni gucaʼ. Zanda guni invitarluʼ laabe para cuineluʼ laabe juntu ne gúʼndaneluʼ laabe Biblia ne diidxaʼ riuundaʼ stiluʼ.

• Guiluxe si libana ca, biiyaʼ pa nuu xiixa ni qué ñene binni ca. Pa napa xidé guiree congregación stiluʼ para chuʼ stobi, gudxi binni ca zadíʼdiluʼ ra nuu sti dxi para guiniʼtu de laani. Zanda gaʼbuʼ laabe sicaríʼ: «Ximodo biiyuʼ reunión riʼ. Ñee ñanda nidúʼyanu sti dxi la?».