Zanda guicaaluʼ ca ndaayaʼ ni chigudii ti Dios ni rannaxhii

• ¿Ñuuláʼdxiluʼ nibániluʼ lu ti Guidxilayú ra maʼ qué ñuu guerra, ra maʼ cadi nidinde binni ne ra ñuu guiráʼ binni de acuerdu la?

• ¿Cadi dxandíʼ ñuuláʼdxiluʼ niree ca guendahuará, yuubaʼ ne guendaguti la?

• ¿Ñuuláʼdxiluʼ cadi ñuuluʼ xizaa ne cadi ñápaluʼ guendahuará ni runibiáʼcabe casi ansiedad la?

• ¿Ñuuláʼdxiluʼ nibániluʼ sin guidxíbiluʼ pa guizaaca ti xu la?

Cadi ti bacaandaʼ diʼ cani. Dios ni bizáʼ Guidxilayú stinu riʼ nácabe ti Dios ni rannaxhii, ne cayuni prometerbe guibáninu sin chuʼ dxi gusaana de chuʼnu nayecheʼ ne gápanu paz.

Lu xcaadxi tema ca zacábinu ca pregunta riʼ:

• ¿Xi runi sentir Dios ni bizáʼ guiráʼ xixé cosa pur laanu?

• ¿Xi rusiidiʼ Stiidxaʼ Dios laanu?

• ¿Xi guníʼ ca profeta de ni maʼ binni prometer Dios binni?

• ¿Ximodo racané Dios laanu guibáninu nayecheʼ yanna ne lu ca dxi ni zeeda ca?

Guidúʼyanu caadxi razón ni rusihuinni nadxii Dios ni bizáʼ guiráʼ xixé cosa laanu.