Racané ca canción stiʼ Reinu laanu gácanu nadxibalú

Biindaʼ Pablo ne Silas canción para gusisácacaʼ Jiobá dxi deguyoocaʼ (Hch 16:25). Lu ca iza maʼ gudiʼdiʼ riʼ, laaca biindaʼ ca hermanu stinu canción stiʼ Reinu dxi guyuucaʼ ndaaniʼ campu de concentración Sachsenhausen, Alemania nazi, ne dxi yenécabe laacaʼ Siberia. Ca ejemplu riʼ rusihuinni cani riguu ca canción riʼ gana ca xpinni Cristu ni ridiʼdiʼ ra nagana.

Zaree ti cancioneru nacubi ni láʼ Cantemos con gozo a Jehová lu xcaadxi idioma. Ora guiree cancioneru cubi riʼ, zedané ni caadxi canción ni maca nápanu lu stiidxanu. Galán guni ensayarnu cani lu adoración en familia ti guizíʼdinu cani (Ef 5:19). Ora guidxaagalunu guendanagana, zacané espíritu santu laanu guietenaláʼdxinu cani. Racané ca canción stiʼ Reinu laanu cadi gusiáʼndanu esperanza nápanu. Rudii cani stipa laanu ora ridídinu ra nagana. Ne ora nuunu galán, zucaa ca letra stini laanu guidúʼndanu de guidubi ladxidoʼno purtiʼ dxandíʼ nuunu nayecheʼ (1Cr 15:16; Sl 33:1-3). Nga runi, cadi gusaana de iquiiñenu ca canción stiʼ Reinu.

GÚʼYASITU VIDEU NI LÁʼ TI CANCIÓN NI BIDII STIPA ZANDA GUICÁBITU CA PREGUNTA ZEEDA RARÍʼ:

• ¿Xi bicaa hermanu Frost quixhe ti canción?

• ¿Ximodo gucané canción riʼ ca hermanu ni guyuu ndaaniʼ campu de concentración Sachsenhausen?

• ¿Pora nga zanda gudii ca canción stiʼ Reinu stipa lii?

• ¿Gunáʼ nga ca canción stiʼ Reinu ñuuláʼdxiluʼ niziidiluʼ?