Modo guni predicarluʼ jma jneza: Bichaa modo cá íqueluʼ guiniʼluʼ

XIÑEE NABÉ RISACA NI. Cayuni invitar ca ungidu ne xcaadxi dendxuhuiiniʼ guiráʼ clase binni gueʼ gratis «nisa de guendanabani» (Ap 22:17). Nisa riʼ runi representar ni guiráʼ ni maʼ biʼniʼ Jehová para gulá ca binni ruzuubaʼ diidxaʼ de pecadu ne guendaguti. Para ganda gacanenu ca binni ni napa gadxé gadxé costumbre o gadxé gadxé ni runi cré, naquiiñeʼ gábinu laacabe ca «noticia galán ni qué ziuu dxi guinitilú» de ti modo ganda chuuláʼdxicabe ni (Ap 14:6).

XIMODO GÚNILUʼ NI

• Gulí ti tema ne ti textu ni chindá ndaaniʼ ladxidóʼ ca binni nabeza lu territorio stiluʼ. Zanda iquiiñeluʼ sección «Modo guinínenu binni» o guiníʼ íqueluʼ xi tema nabé huayacané lii para gucaadiaga binni ora maʼ cayuni predicarluʼ. ¿Xii nga ca tema o textu ni huayacané lii? ¿Xii nga noticia ni nabé caníʼ binni ca dxi riʼ? ¿Gunáʼ nga ca tema ni runi interesar ca hombre guiníʼ? ¿Gunáʼ nga ca tema ni runi interesar ca gunaa guiníʼ?

• Ora guzulú guiníʼneluʼ binni, cadi guiaandaʼ lii ca costumbre napa binni nabeza lu territorio neza ra nabézaluʼ ne modo rugapadiúxicaʼ (2Co 6:3, 4).

• Biindaʼ ca publicación ne biiyaʼ ca videu ni nápanu ndaaniʼ kit de enseñanza, ti ganda iquiiñeluʼ cani ora guidxélaluʼ tuuxa ni gusihuinni riuulaʼdxiʼ guiziidiʼ.

• Biʼniʼ descargar ca publicación ne videu ni nuu lu idioma ni riníʼ ca binni nabeza lu territorio stiluʼ.

• Biʼniʼ adaptar tema ni maʼ guliluʼ né ni caquiiñeʼ binni caníʼneluʼ (1Co 9:19-23). Guzéʼtenu ti ejemplu, ¿xi ñábiluʼ ti binni pa ñánnaluʼ cadi xadxí de guti ti familia stiʼ?

DESPUÉ DE GÚʼYALUʼ VIDEU RIʼ, ZANDA GUICÁBILUʼ CA PREGUNTA RIʼ:

• ¿Xi tema biquiiñeʼ publicador riʼ para bizulú guniʼné binni?

• ¿Xi cazaaca binni ca?

• ¿Gunáʼ nga textu jma jneza niquiiñeʼ publicador riʼ biaje riʼ, ne xiñee?

• ¿Ximodo runi adaptarluʼ presentación stiluʼ para ganda chuulaʼdxiʼ binni de lu territorio mensaje zineluʼ?