BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • wp22 núm. 1 yaza 8-9
  • 2 | Cadi guquíxeluʼ ni gúnicabe lii

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • 2 | Cadi guquíxeluʼ ni gúnicabe lii
  • Torre stiʼ ni rapa ni caníʼ de Reinu stiʼ Jehová (Para binni) 2022
  • Subtítulo
  • Laaca zanda gúʼndaluʼ
  • Biblia ná:
  • ¿Xi riníʼ ni?
  • Biʼniʼ stipa gúniluʼ ndiʼ:
  • Ñee runi sentir binni galán ora ruquixe ni gúnicabe laa la?
    Torre stiʼ ni rapa ni caníʼ de Reinu stiʼ Jiobá 2009
  • ¡Zanda gusaana de gaca nanaláʼdxinu binni!
    Torre stiʼ ni rapa ni caníʼ de Reinu stiʼ Jehová (Para binni) 2022
  • Xi gúninu para cadi gacananaláʼdxinu binni
    Torre stiʼ ni rapa ni caníʼ de Reinu stiʼ Jehová (Para binni) 2022
  • Ra ruzulú sección 7
    Ca lección ni riziideʼ de lu Biblia
Biiyaʼ jma
Torre stiʼ ni rapa ni caníʼ de Reinu stiʼ Jehová (Para binni) 2022
wp22 núm. 1 yaza 8-9
Dxiʼbaʼ chupa hombre lu chupa rama stiʼ ti yaga ne cayuuyadxísaacaʼ. Cugácabe rama ra zúbacabe.

XI GÚNINU TI CADI GACA NANALÁʼDXINU BINNI

2 | Cadi guquíxeluʼ ni gúnicabe lii

Biblia ná:

«Cadi uquíxetu ni gúnicabe laatu [...]. Laguni biaʼ gándatiʼ para chuʼtu en paz né guiráʼ binni. Hermanu ni nadxieeʼ caʼ, cadi uquíxetu ni gúnicabe laatu [...]. Purtiʼ sicaríʼ cá lu Stiidxaʼ Dios: “Naa xcuentaʼ ni; naa uquixeʼ ni laacabe”, ná Jehová» (ROMANOS 12:17-19).

¿Xi riníʼ ni?

Normal nga guidxiichinu ora chuʼ tu guniná laanu, peru qué racalaʼdxiʼ diʼ Dios guquíxenu ni. Ni cayabibe laanu nga gusaananu ni lu nabe, purtiʼ maʼ biʼniʼ prometerbe laanu zabeebe guiráʼ binni ni runi cosa ni cadi jneza (Salmo 37:7, 10).

Biʼniʼ stipa gúniluʼ ndiʼ:

Ora guquíxenu ni bíʼnicabe laanu jmaruʼ si raca nanaláʼdxinu binni ca, ne binni ca laaca raca nanalaʼdxiʼ laanu. Nga runi, pa chuʼ tuuxa guniná lii o gabi lii xiixa diidxaʼ naná la? cadi guquíxeluʼ ni laabe. Bicueeza laca lii ne cadi nagueendaca guicábiluʼ laabe. Nuu tiru jma galán cadi gúninu gastiʼ (Proverbios 19:11). Nuu biaje la? zadxaagalunu xiixa guendanagana ni caquiiñeʼ guni chaahuinu. Casi pa chuʼ tuuxa ni guniná lii purtiʼ qué ninanda ni ná ley la? zándaca guiníʼ íqueluʼ guchíñaluʼ laabe nezalú tuuxa autoridad.

Zacananu pa uquíxenu ni gúnicabe laanu

¿Peru pa rábiluʼ qué zanda gaca chaahuiʼ guendanagana stiluʼ né diidxaʼ nadóʼ yaʼ? ¿O pa maʼ bíʼniluʼ guiráʼ ni nuu lu naluʼ para ñaca chaahuiʼ guendanagana ca yaʼ? Neca zacá, cadi guquíxeluʼ ni cayúnicabe lii, purtiʼ pa gúniluʼ ni la? jmaruʼ si zaroobaʼ guendanagana ca. Cadi gudiiluʼ lugar guiroobaʼ xiana nápatu, biziidiʼ gápaluʼ confianza zuni chaahuiʼ Dios guendanagana stiluʼ. Salmo 37:3-5 ná: «Gupa confianza laabe ne laabe zacanebe lii».

Historia stiʼ ti binni​—ADRIÁN

Bíʼnibe stipa para cadi guquíxebe ni bíʼnicabe laabe

Adrián.

Dxi naca Adrián ti jovenhuiiniʼ guyuube lade ti banda ne nabé guca nanaláʼdxibe stale binni ne biyúbibe modo uquíxebe ni laacaʼ. Laabe guniʼbe: «Stale biaje guyuaaʼ ra cadíndecabe de balazu ne ridxélacabe naa ruaa calle nazeʼ rini, dede riníʼ ique binni maʼ biiticabe naa».

Dxi napa Adrián 16 iza bizulú gucuaa estudiu de lu Biblia. Laabe guniʼbe: «Ra ziziideʼ jma de lu Biblia bidieeʼ cuenta caquiiñeʼ guchaaʼ». Caquiiñeʼ gusaana Adrián de gaca nanalaʼdxiʼ binni ne tinde, nabé gucané ti textu zeeda lu Biblia laabe, laani nga Romanos 12:17-19, ra caníʼ cadi naquiiñeʼ uquíxenu ni gúnicabe laanu. Sicaríʼ guniʼbe: «Gucaneni naa gusaanaʼ guiráʼ cosa lu náʼ Jehová, purtiʼ laabe nga zanda guni chaahuibe guiráʼ cosa ni cadi jneza modo nabe ne ora nabe. Ra zidiʼdiʼ dxi ziguchaaʼ modo nabaneʼ que».

Ti gueelaʼ bicaalú ti banda laabe, ni guca enemigu stibe dxiqué. Xaíque stiʼ banda que bicaa ridxi laabe ne ná: «¡¿Pleitu la?!». Adrián guníʼ guizáʼ gupa gana nidxelasaané laabe. Peru, lugar de ñúnibe ngue, biʼniʼ orarbe Jehová ne gunda bireebe de raqué.

Adrián guníʼ: «Sti dxi que bidxaagaʼ xaíque stiʼ banda ni bicaalú naa que, peru biaje riʼ maʼ stúbisibe. Bineʼ sentir gudxiʼbaʼ ti guí iqueʼ ne gupa gana nuquixeʼ ni laabe. Nagueendaca bineʼ orar Jehová sti biaje ne gunabaʼ laa gacané naa. Guizáʼ bidxagayaaʼ ora bidxiña joven que naa ne guníʼ: “Biʼniʼ perdonar naa pur ni bizaaca nuchiʼ que. Dxandíʼ peʼ ñuuladxeʼ ñacaʼ casi lii. Racalaʼdxeʼ guundaʼ Biblia”. ¡Dicha peʼ gunda bicueezaʼ laca naa! Pur ni bineʼ que, yanna laaca maʼ bizulú cayuni estudiarbe Biblia».

Zanda gúʼndaluʼ jma de historia riʼ lu revista La Atalaya númeru 5 2016, yaza 14 ne 15.

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir