¿Ximodo zanda chuʼluʼ nayecheʼ neca nagana nabáninu ca dxi riʼ yaʼ? | ¿Xi caníʼ Biblia de laani?

Lu ca dxi nagana nabáninu riʼ, cadi nuu lu nanu guni chaahuinu guiráʼ ni rizaacanu. Peru stale biaje, zanda chuʼnu nayecheʼ pur modo guidúʼyanu ca cosa ca ne cadi pur modo nabáninu. Neca nuu guendanagana Biblia ná «peru binni ni nayecheʼ nuu ladxidóʼ la? Guiráʼ dxi nayecheʼ nuu» (Proverbios 15:15). ¿Ximodo zanda chuʼluʼ jma nayecheʼ yaʼ? Zanda gacané Biblia lii. Biiyaʼ xi zanda gúniluʼ.

Bidxiilú ansiedad

Biblia ná: «Ora nabé riuu ti hombre xizaa la? runinani laa, peru ti diidxaʼ galán riguu gana la» (Proverbios 12:25).

• Zanda gacané Biblia lii gudxiiluluʼ ansiedad. Pa racaláʼdxiluʼ gánnaluʼ ximodo la? biindaʼ artículo ni láʼ «¿Qué dice la Biblia sobre la ansiedad?».

Cadi chuʼ luʼ stúbiluʼ

Biblia ná: «Ni dxandíʼ xhamígunu la? guiráʼ ora nadxii laanu, ne zácabe bíʼchinu ora nápanu xiixa guendananá» (Proverbios 17:17).

• Tobi de ca conseju ni rudii Biblia laanu nga gápanu xhamígunu ni dxandíʼ nadxii laanu ti cadi guni sentirnu nuunu stúbinu. Biindaʼ artículo ni láʼ «Biyubi gápaluʼ xhamíguluʼ ti cadi guni sentirluʼ nuuluʼ stúbiluʼ | Zanda gacané Biblia lii».

Gunnaxhii Dios ne prójimo stiluʼ

Biblia ná: «Gunnaxhii Jehová Dios stiluʼ de guidubi ladxidoʼloʼ, de guidubi xhiálmaluʼ ne de guidubi xquendabiaaniluʼ. [...] Gunnaxhii prójimo stiluʼ cásica nadxiiluʼ lii» (Mateo 22:37-39).a

• Zacané oración ca lii gannaxhiiluʼ Dios jma. Pa racaláʼdxiluʼ gánnaluʼ jma la? biiyaʼ artículo ni láʼ «¿Ñee rucaadiaga Dios ca oración ni rúninu la?»

• Zanda gusihuínninu nadxiinu xcaadxi pa chinándanu ni zeeda lu Regla de Oro. Pa racaláʼdxiluʼ gánnaluʼ jma la? biiyaʼ artículo ni láʼ «¿Qué es la Regla de Oro?».

Ra guni estudiarluʼ Biblia zanda guibániluʼ nayecheʼ neca nagana modo nabáninu ca dxi riʼ.Cayuni invitardu lii guicaaluʼ ti cursu de lu Biblia sin quíxeluʼ.