XI ZANDA GUCUEEZA ESTRÉS RÁPANU
¿Ñee nápaluʼ estrés la?
«Guiranu nga nápanu caadxi estrés, peru naa nabé napaʼ estrés. Ne cadi pur ti cosa si, sínuque pur stale guendanagana napaʼ. Ne maʼ ziniaʼ stale iza de cayapaʼ xheelaʼ purtiʼ napa ti guendahuará ni cayuniná xcuerpu ne xquendabiaaniʼ» (Julia).a
«Bisaana xheelaʼ naa ne gupa xidé bisiniiseʼ guiropaʼ xiiñeʼ stubeʼ. Nabé nagana guca ni para naa. Ne cadi ngasi, laaca biaanaʼ sin dxiiñaʼ ne pur ngue maʼ qué ñapaʼ bueltu para ñuneʼ chaahueʼ carru stinneʼ. Qué nidxelaʼ xi ñuneʼ. Nabé stale cosa ngue ni naguu xizaa naa. Nannaʼ cadi jneza nga guuteʼ laca naa, ngue runi gunabaʼ Dios guuti naa» (Barry).
¿Ñee huayuni sentirluʼ maʼ qué ganda guni huantarluʼ ca guendanagana nápaluʼ cásica Julia ne Barry la? Pa zacá ni la? nabé zacané revista riʼ lii ne zaguixhedxini ladxidoʼloʼ, zusiéneni xii nga ca cosa ni rindisaʼ estrés luguianu, ximodo runinani laanu ne xi zanda gúninu para cadi tan guninani laanu.
a Bidxaa lácabe.