Jiobá racané cani runi cré laabe de idubi ladxidóʼ
1 Stale binni na de que gapuʼ bueltu, ganda guʼnuʼ guiráʼ ni racalaʼdxuʼ ne gacuʼ binni nanna la? zacasi nga zabeenduluʼ ni galán (Sal. 12:4; 33:16, 17; 49:6). Peru, para cani ridxibi Jiobá ne runi crecaʼ laabe de idubi ladxidóʼ la? Biblia na de que dxandipeʼ «laabe nga ni racanebe laacaʼ ne laabe nga escudu sticaʼ» (Sal. 115:11). Chigúʼndanu chupa modo ra naquiiñeʼ guluinu de que runi crenu Jiobá de idubi ladxidoʼno.
2 Ora rúninu xhiiñaʼ Cristu. Cada usiidinu, pa ra ridagulisaanu o ra rucheechenu diidxaʼ, naquiiñeʼ guni crenu Jiobá de idubi ladxidoʼno. Jesús nga tobi de cani biʼniʼ zacá. Neca xiiñiʼ Dios laabe, qué ñuni crédibe laaca laabe o de que zanda gúnibe ni purtiʼ si nánnabe stale, sínuque de idubi ladxidoʼbe biʼniʼ crebe bixhózebe ni nuu ibáʼ (Juan 12:49; 14:10). Laanu la? ¡jma nga nápanu rasón para gúninu cásica bíʼnibe! (Pro. 3:5-7.) Stipa ni randa rúninu ca zusisácani Jiobá ne zacanenu xcaadxi binni ne ndaayaʼ si stibe (Sal. 127:1, 2).
3 Ruluinu de que runi crenu Jiobá de idubi ladxidoʼno ora rinábanu laabe lu orasión gusiénebe laanu ne acané espíritu santu stibe laanu (Sal. 105:4; Luc. 11:13). Laaca ruluinu runi crenu laabe de idubi ladxidoʼno ora gusihuínninu de que cani cusiidinu ca caree cani de ndaaniʼ Stiidxabe, Biblia, purtiʼ laani nga nápani poder para chindani dede ladxidóʼ binni ne guchaani endanabani sticaʼ (Heb. 4:12). Ora rúninu xhiiñaʼ Cristu ne stipa ni rudii Dios ca la? riguunu endanaróʼ stiʼ Jiobá (1 Ped. 4:11).
4 Ora idxagalunu endanagana. Laaca naquiiñeʼ uyúbinu acané Jiobá laanu ora idxagalunu endanagana (Sal. 46:1). Zándaca patrón stinu caníʼ ique pa zudii permisu guiáʼdxanu para chuunu ti guendaridagulisaa roʼ, o binnilídxinu cadiʼdiʼ ra nagana. Ruluinu de que runi crenu de idubi ladxidoʼno Jiobá ora runi orarnu laabe dede ladxidoʼno ne zinándanu ni cusiénebe laanu ndaaniʼ Stiidxabe ne ni na moso ni nuu xpiaaniʼ ne ni runi jneza ca (Sal. 62:8; 119:143, 173). Ca xpinni Jiobá ni rúnini zacá la? ruuyacaʼ ximodo racanebe laacaʼ lu xquendanabánicaʼ (Sal. 37:5; 118:13, 16).
5 Dios, laapeʼ nga cayabi laanu: «Chuʼ ndaayaʼ hombre nadipaʼ ni runi cré Jiobá de idubi ladxidóʼ, ne Jiobá maʼ beeda gaca ni runi crebe de idubi ladxidoʼbe» (Jer. 17:7). Nga runi, guluinu de que runi crenu laabe de idubi ladxidoʼno lu guiráʼ ni rúninu (Sal. 146:5).