Ximodo zanda iquiiñenu ca modo ni reeda para ucheechenu diidxaʼ

1. Ximodo zanda iquiiñenu ca modo reeda ca para güínenu binni diidxaʼ.

¹ Lu Xhiiñaʼ Reinu ni Rúninu nabé reeda ximodo zanda usaananenu binni xiixa revista o libru. Ora ireʼnu lu guidxi la? cadi naquiiñeʼ diʼ ininu cani diidxaʼ pur diidxaʼ. Reeda cani para gánnanu xidé zanda inínenu binni. Jma zabeendunu ni galán ora ininu cani casi ora cayuinu diidxaʼ. Ininu zacá la? zacaneni guni sentir binni galán ne laaca zuluinu de que dxandíʼ ni caninu ne runi crenu cani (2 Cor. 2:17; 1 Tes. 1:5).

2. Xiñee naquiiñeʼ iníʼ íquenu ximodo naca binni ra rucheechenu diidxaʼ ora maʼ cayuʼnu listu para inínenu laacaʼ.

² Ininu modo ganda ucaadiaga binni. Ora uzulú ininu ca diidxaʼ nacubi ne galán ca la? zúninu ni modo ganda ucaadiaga ca binni ni nuu neza ra rucheechenu diidxaʼ. Ñee zanda usulú ininu ni maca cá íquenu ca ra ugapadiúxisinu laabe la? O ribeza binni inícanu xi ziuunu. Modo icábicabe laanu zuchaani purtiʼ gadxé cada binni ne gadxé cada lugar. Zaqueca laaca naquiiñeʼ iníʼ ique chaahuinu ximodo inabadiidxanu. Zándaca ni inabadiidxanu ti lugar qué zanabadiidxanu ni sti ladu, purtiʼ zándaca uchiichi cani binni. Nga runi, naquiiñeʼ iníʼ íquenu xi ininu ne gúninu ni modo ganda chulaʼdxiʼ ca binni de racá ucaadiágacaʼ.

3. Xiñee naquiiñeʼ iníʼ íquenu ximodo ca binni nabeza ra rucheechenu diidxaʼ ora maʼ cayuʼnu listu para inínenu laacaʼ.

³ Ne ora maʼ cayuʼnu listu para chuunu lu guidxi la? naquiiñeʼ iníʼ íquenu modo nabani binni ne ximodo riníʼ ique cani nabeza ra chigucheechenu diidxaʼ. Casi xa ora ininu ni na Mateo 6:9, 10, gadxé modo zusiénenu ni ti católicu ne gadxé modo zusiénenu ni ti binni ni qué ganna gastiʼ de oración stiʼ padrenuestro. Pa iníʼ íquenu caadxi la? cani chiguininenu binni zanda gúninu cani jma galán ne modo chulaʼdxiʼ binni neza ra rucheechenu diidxaʼ ucaadiágacaʼ.

4. Xiñee galán nga gúʼndanu dede ante.

⁴ Nécapeʼ zanda iquiiñenu ca modo ni maca reeda ca la? ni jma galán nga gúʼndanu dede ante para chuʼnu listu. Ni zacané laanu nga, guʼndaʼ chaahuinu ni racaláʼdxinu uluinu binni ne uyúbinu cani jma zucaa laabe chuláʼdxibe iziidirube ti uzeetenu cani lu cani maca cá íquenu ininu. Galán zusaananenu binni ca revista ne ca libru ca ora laanu maʼ nánnanu xi na cani.

5. Xiñee zanda iquiiñenu sti modo gadxé para inínenu binni, ne ximodo zanda gúninu ni.

⁵ Xcaadxi modo para inínenu binni. Ñee nápanu xidé iquiiñenu cani maca reeda ca la? Coʼ. Pa rúʼyanu de que jma galán para laanu iquiiñenu xcaadxi modo o sti textu gadxé la? gúninu ni zacá. Casi pa chigusaananu ti revista la? zanda iquiiñenu sti tema ni neni o ni ne ca libru ca, purtiʼ zándaca ucaa cani binni ra rucheechenu diidxaʼ ca chulaʼdxiʼ ucaadiaga. Ora tiidiʼ modo inínenu binni lu Guendaridagulisaa stiʼ Dxiiñaʼ Stinu la? zanda iquiiñenu sti clase ni jma acané laanu neza ra rucheechenu diidxaʼ. Ndiʼ zacané iranu ininu ca diidxaʼ nacubi ne galán ca jma jneza.