Usihuínninu rizaláʼdxinu binni ra gúʼndanu dede ante xi gábinu laacabe
1 Ora guʼndaʼ chaahuinu dede ante para chigucheechenu diidxaʼ la? racaneni laanu usihuínninu rizaláʼdxinu binni. Xiñee yaʼ. Purtiʼ qué ziúʼpenu xizaa pur ni ininu ne jma zanda ucaadiaga chaahuinu binni ni chiguinínenu ca. Ne racaneni cadi idxíbipenu ne ganda ininu de idubi ladxidoʼno. Nga runi, xi zanda ininu ti ucaadiaga binni laanu yaʼ.
2 Ininu ni chulaʼdxiʼ binni. Ulí ximodo zanda iníʼneluʼ binni lade cani cá lu Xhiiñaʼ Reinu ni Rúninu stiʼ enero 2006 ni zanda iquiiñeʼ ladu ra nabézaluʼ. Uníʼ ique xi diidxaʼ zanda iquiiñeluʼ para iniʼluʼ cani, ne bichaa cani modo ganda ucaadiaga ca binni ni nabeza neza ra rucheecheluʼ diidxaʼ. Casi pa ridxélaluʼ binni de sti religión o sti raza la? biyubi iniʼluʼ ti tema ni chuláʼdxibe. Ora inínenu binni de ni caquiiñeʼ ganna la? rusihuínninu dxandipeʼ rizaláʼdxinu laacabe (1 Cor. 9:22).
3 Pa gatigá iniʼluʼ ni maca udíxheluʼ para iníʼneluʼ ca binni ca la? jma galán zúniluʼ ni. Cumu nabé risaca ca diidxaʼ ni uzuluneluʼ ca la? biiyaʼ xi iníʼ ique binni de ni iniʼluʼ ca. Ñee riuuláʼdxicabe de ni caniʼluʼ ca la? Ñee ricábicabe ni canabadiidxaluʼ laacabe la? Pa coʼ la? zanda uchaaluʼ modo iníʼneluʼ binni dede gúʼyaluʼ ucaadiágacabe lii.
4 Ximodo guietenalaʼdxuʼ cani chiguiniʼluʼ. Stale de cani rucheeche diidxaʼ nabé nagana raca para laacabe guietenaláʼdxicabe xi chiguiniʼnécabe binni ora maʼ zuhuaacabe ra puertaʼ lidxi. Pa rácaluʼ zacá, ñee maʼ huayúniluʼ dede ante chupa chonna biaje modo maʼ udixhe chaahuiluʼ iníʼneluʼ binni ne ti ni rucheeche diidxaʼ la? Ora gúniluʼ ni chupa chonna tiru nezalú stobi, zacané ni lii guiaananeluʼ ni chiguiniʼluʼ ne iniʼluʼ modo guiénecabe lii. Laaca zacané ni lii chuʼluʼ listu para icábiluʼ intiica ni gábicabe lii.
5 Stobi ni zanda guʼnuʼ nga ucaaluʼ ca diidxaʼ ni chiguiniʼluʼ lu ti guiʼchihuiiniʼ ne gúʼndaluʼ ni nagueenda ante guxhídxiluʼ ra puertaʼ lidxi binni. Stale de cani rucheeche diidxaʼ nabé racané ni laacabe para cadi idxíbicabe ne ganda iniʼnécabe binni. Casi maʼ bíʼyanu ca, pa laanu guʼndaʼ chaahuinu dede ante la? zacaneni laanu usihuínninu rizaláʼdxinu binni ne ganda inínenu binni jma jneza de ca diidxaʼ nacubi ne galán ca.