Quixhe chaahuinu tiempu stiʼ binnilídxinu para gúʼndanenu laacaʼ ti textu iráʼ dxi
1 Ca binni ni dxandíʼ nadxii ca xiiñiʼ la? rúnicaʼ stipa pur udiicaʼ ni gócabe iráʼ dxi. Peru ni jma risaca ni caquiiñecabe nga iziidicabe iráʼ ni zeeda lu Stiidxaʼ Dios (Mat. 4:4). Ti modo zanda acanetu ca xiiñitu para chuláʼdxicaʼ iziidicaʼ de Jiobá ne iniisicaʼlu Stiidxabenga, cueetu tiempu para gúʼndanetu laacabe ti textu iráʼ dxi ne ra zeeda iníʼ de laani (1 Ped. 2:2). Pora ndiʼ zanda cueetu tiempu para gúʼndanetu ca binnilídxitu ti textu yaʼ.
2 Ora endareʼ. Gúʼndanu ti textu de lu Biblia ante uzulunu dxiiñaʼ stinu, racaneni ca binnilídxinu iníʼ íquecaʼ de Jiobá idubi dxi (Sal. 16:8). Ti gunaa udixhe ique gúʼndané xiiñiʼ ti textu ne ni caníʼ de laani laga cayeʼcaʼ ne guni orárnebe laa ante cheʼ scuela. Modo bisiaabe hombrehuiiniʼ riʼ ucaneni laa cadi ucaalú pur xquidxi, ixele de tuuxa ni ucaa laa guni ni cadi jneza ne ganda iniʼné maestru stiʼ ne cani canazané scuela de cani caziidiʼ. Neca laasibe Testigu raqué la? qué ñuu dxi ñuni sentirbe stúbibe.
3 Pa qué rudii tiempu laatu gúʼndatu ti textu siadóʼ la? zanda gúʼndatu ni jma huadxí casi ora chitóxhitu. Nuu tu laa riníʼ de xiixa ni bizaaca ora yeucheeche diidxaʼ o xiixa ni biulaʼdxiʼ de ni biʼndaʼ lu Biblia. Stale tu laa riníʼ de que ora iníʼcabe ruaa mexaʼ ca nga ca tiempu jma galán huadidinécabe binnilídxicabe ne izáʼ riéchecabe ora redazilú ni laacabe.
4 Ante chigásinu. Para stale familia la? jma galán para laacabe gúʼndacabe ti textu ante chigásicabe ne laaca galán hora ca para guni orárcabe. Ora ca xiiñitu gunadiágacaʼ laatu iniʼtu de Jiobá ne guni orartu la? racané ni laacabe gúʼyacabe Jiobá casi ti binni ni dxandíʼ.
5 Jiobá uguu ndaayaʼ stipa rúnitu pur usiiditu ca xiiñitu ni na lu Biblia ra iquiiñetu folletu Examinando las Escrituras diariamente.