Zanda uchaʼnu hora maca naguíxhenu ucheechenu diidxaʼ la?
1. Xiñee riquiiñeʼ uchaʼnu hora maca naguíxhenu ucheechenu diidxaʼ yaʼ.
1 Laanu, cani dxandíʼ xpinni Cristu maʼ ucuaanu invitación para uyúbinu binni (Mat. 4:19). Cásica binni rié guuzeʼ ruyubi pora nga inaazeʼ benda, zaqueca laanu pa cuaquiʼ íquenu ucheechenu diidxaʼ ora maʼ nuu binni ra lidxi la? zadxélanu jma binni. Ca beeu zeeda ca jma maʼ huadxí ziaaziʼ gubidxa ndaaniʼ stale guidxi ne qué zácapeʼ nagana para laanu idxélanu binni ora maʼ zixhinni, ne oracá nga ziuuláʼdxicabe ucaadiágacabe. Xiñee qué uchaʼnu hora maca naguíxhenu ucheechenu diidxaʼ ne gúninu ni ora maʼ zixhinni yaʼ (1 Cor. 9:23).
2. Ximodo zanda chinenu ca diidxaʼ nacubi ne galán stiʼ Cristu ra nuu iráʼ binni yaʼ.
2 Ucheechenu diidxaʼ ora maʼ zixhinni. Pa ucheechenu diidxaʼ ora maʼ zixhinni la? zanda inínenu jma binni de ca diidxaʼ nacubi ne galán stiʼ Cristu (Pro. 21:5). Ca hombrehuiiniʼ rié scuela zanda ucheechecabe diidxaʼ ireesícabe de scuela, ne cani runi dxiiñaʼ la? ireesícabe de dxiiñaʼ. Ca grupu ni ruundaʼ libru iráʼ semana laaca zanda chiucheechecaʼ diidxaʼ ante uzulú endaridagulisaa sticaʼ.
3. Ximódoruʼ zanda ucheechenu diidxaʼ ora maʼ biaaziʼ gubidxa ne ora maʼ zixhinni yaʼ.
3 Ra ucheechenu diidxaʼ de yoo pur yoo ora maʼ biaaziʼ gubidxa ne ora maʼ zixhinni la? zándaca inínenu ca binni ni qué ridxélapeʼnu laacaʼ ra lídxicaʼ ridxíʼ. Stale lugar ra rucheechenu diidxaʼ zanda inínenu binni lu calle ora maʼ zixhinni o uyúbinu xcaadxi modo para ucheechenu diidxaʼ. Ne stale tu laa laaca galán ruuyacaʼ chigannacaʼ binni ra lidxi ne uzulú gúʼndanecaʼ laacabe Biblia ora maʼ biaaziʼ gubidxa.
4. Xiñee nabé riquiiñeʼ iníʼ íquenu ne gápanu respetu binni ra ucheechenu diidxaʼ ora maʼ zixhinni yaʼ.
4 Naquiiñeʼ iníʼ íquenu xi gúninu. Pa racaláʼdxinu ucheechenu diidxaʼ ora maʼ zixhinni, nápanu xidé iníʼ íquenu xi gúninu. Cadi ucheechenu diidxaʼ hora maʼ huaxhínnipeʼ purtiʼ zándaca uchíʼñanu binni ora maʼ chigasi (Fili. 4:5). Ora uxhídxinu ra puertaʼ lidxi binni, uzuhuaanu ra ganda gúʼyacabe laanu ne ininu tu laanu. Ne gábicanu binni xi pur nga zigánnanu laa. Pa gúʼyanu chitoxhícabe la? zanda gábinu laacabe zadiidinu sti hora. Nabé riquiiñeʼ gápanu respetu laacabe (Mat. 7:12).
5. Xi riquiiñeʼ gúninu ti cadi izaacanu xiixa ra maʼ canaucheechenu diidxaʼ ora maʼ zixhinni.
5 Laaca riquiiñeʼ uyúbinu ximodo cadi izaacanu xiixa. Pa maʼ zixhinni cucheecherunu diidxaʼ o maʼ nacahui la? galán nga chinenu stobi o chuunu pur grupu. Riquiiñeʼ ucheechenu diidxaʼ neza ra nuu biaaniʼ ne neza ra nuu binni ne ra nánnanu qué zácanu gastiʼ. Ne laaca cadi chuunu ra zanda izaacanu xiixa ora maʼ huaxhinni (Pro. 22:3).
6. Xiruʼ zabeendunu ra ucheechenu diidxaʼ ora maʼ biaaziʼ gubidxa ne ora maʼ zixhinni yaʼ.
6 Pa laanu ucheechenu diidxaʼ ora maʼ biaaziʼ gubidxa ne ora maʼ zixhinni la? zanda ireenenu ca precursor regular ne auxiliar (Rom. 1:12). Yanna, zanda uchaʼnu hora maca naguíxhenu para ganda ucheechenu diidxaʼ la?