Ti dxiiñaʼ roʼ ni chigaca lu ibudi guidxilayú para guieeteʼ Guendaridagulisaa de Chonna Gubidxa «Mayaca guilanu»
Cani rucheeche diidxaʼ zaguiizicabe ti invitación nabé risaca
1 Ora maʼ ziluxe beeu marzo stiʼ 2006 zuzulú ndaaniʼ guidxi Estados Unidos, Canadá, Europa ne xcaadxi guidxi nuu neza ra nuu cani, ca endaridagulisaa de chonna gubidxa, laaca zaca cani ndaaniʼ 155 guidxi ne zaca ti invitación idubi naca Guidxilayú para ganna iráʼ binni chigaca ca endaridagulisaa riʼ. Lu dxiiñaʼ riʼ la? laaca zaca invitar binni para checaʼ ca endaridagulisaa jma naroʼbaʼ ni qué huayaca ne yanna chigaca ni ndaaniʼ guidxi Alemania, Polonia ne República Checa, zuzulú ni lu beeu Julio ne primé semana stiʼ agosto 2006.
2 Cumu mayaca iluxe iráʼ cosa malu nuu ndaaniʼ guidxilayú riʼ la? nga runi lu ca endaridagulisaa riʼ jma zieeteʼ cani maʼ bizabiruaa Jiobá guni para gulá laanu de guidxilayú malu riʼ, ne ca binni ni ucaadiaga cani naquiiñeʼ ucaani laacaʼ chuláʼdxicaʼ iziidicaʼ jma de laani. Iráʼ ni guieeteʼ racá riquiiñeʼ ucaa cani laacabe iníʼ íquecabe xi cabeza laanu. Para ganda gunadiaga stale millón de binni ca diidxaʼ ni quixhedxí ladxidoʼcaʼ ne gánnacaʼ ni cabeza laacaʼ la? rinábadu ca jma de noventa y ocho mil neza binni ridagulisaa stiʼ ca testigu stiʼ Jiobá ni nuu idubi naca guidxilayú guni invitarcaʼ binni ne stale endanayecheʼ endaridagulisaa ra cheʼcaʼ.
3 Ca neza binni ridagulisaa zacaacaʼ stale invitación ti ganda quiʼziʼ cada tobi de cani rucheeche diidxaʼ 50 de laani. Pa guiaanaruʼ la? ca precursor ca quiʼziʼ cani. Cada neza binni ridagulisaa zuzulú quíʼzicabe cani chonna semana ante de endaridagulisaa de chonna gubidxa ra nexheʼ chécabe. Biaʼsi dxi ganda endaridagulisaa ca pa ganda maʼ iráʼ xixé binni ucuaani.
4 Pa ganda la? ca binni capeʼ nga udiʼnu invitación ca. Peru pa qué idxélanu tuuxa ra lidxi la? zanda uguʼnu tobi ra puertaʼ lídxicabe. Riquiiñeʼ gúninu ti stipa pur quíʼzinu ca invitación ca lu chonna semana nexheʼ gúninu ni ca.
5 Nanna dxíchinu dxiiñaʼ ni chigaca idubi naca guidxilayú para aca invitar binni cheʼcaʼ Guendaridagulisaa de Chonna Gubidxa ni láʼ «Mayaca guilanu» ca la? zacaneni ganna binni chigápanu ti endaridagulisaa. Rinábadu lú Jiobá uzaabi ndaayaʼ ca stipa guni cada tobi de laatu para ganda gúnitu dxiiñaʼ riʼ.