Ndaa ra rinabadiidxaʼ

◼ Tu laa naquiiñeʼ guzeeteʼ diidxaʼ riuundaʼ para guzulú Scuela stiʼ cani Rucheeche Diidxaʼ, Guendaridagulisaa stiʼ Dxiiñaʼ Stinu, Guendaridagulisaa para Guiráʼ Binni ne ora guiuundaʼ revista Torre stiʼ ni rapa.

Diidxaʼ riuundaʼ ni chiguzulune Scuela, reedani lu cani chitiidiʼ lu Scuela stiʼ cani Rucheeche Diidxaʼ. Guiʼchiʼ riʼ reedani lú ni rizaané Xhiiñaʼ Reinu ni Rúninu stiʼ beeu octubre. Ca diidxaʼ riuundaʼ ni ruzulú ne riluxené Guendaridagulisaa stiʼ Dxiiñaʼ Stinu zeedacani lu guiropa yaza stiʼ Xhiiñaʼ Reinu. Ne cani guiuundaʼ ora gúʼndanu revista Torre stiʼ ni rapa zeedacani lu guiropa yaza stiʼ revista ca. Cumu ca diidxaʼ riuundaʼ ca zuundacabe cani lu guendaridagulisaa ni chitiidiʼ ca la? nga runi ni chiguzulú guendaridagulisaa ca naquiiñeʼ guzeeteʼ ni, ne cadi ni bitiidiʼ primé guendaridagulisaa ca.

Guidúʼyanu ximodo zanda gácani. Binnigola ni rutiidiʼ Scuela stiʼ cani Rucheeche Diidxaʼ zudiibe xquíxepeʼ cani maʼ bedandá, zuzeetebe diidxaʼ riuundaʼ ni chiguzulúnebe, zutiidibe scuela ca, ne guilúxesibe la? zanábabe bíchinu ni chiguzulú Guendaridagulisaa stiʼ Dxiiñaʼ Stinu quiibaʼ lu plataforma. Bíchinu riʼ naquiiñeʼ guiníʼ xi diidxaʼ riuundaʼ chiguzulune guendaridagulisaa ca.

Zacaca raca lu Guendaridagulisaa para Guiráʼ Binni. Bíchinu ni chiguzuluni zudiibe xquíxepeʼ cani maʼ bedandá ne zanábabe laacaʼ gúʼndacaʼ diidxaʼ riuundaʼ ni maʼ gulí ni chigudii libana ca. Laca laabe (o sti bíchinu ni zanda gúnini o ni maʼ nexheʼ gúnini la?) zuni ti oración para guzulú guendaridagulisaa ca. Óraca la? zuzeetebe tu laa chigudii libana ne tema stiʼ libana ca. Guiluxe si libana ca, bíchinu ni bizulú guendaridagulisaa ca zudiibe xquíxepeʼ pur guiráʼ ni biziidicabe, peru qué zuzeetedibe sti biaje guiráʼ ni bieeteʼ luni. Óraca zuzeetebe tema stiʼ libana ni chitiidiʼ lu sti semana ca ne zábibe cani cucaadiaga guiaanacaʼ ra chiguiuundaʼ revista Torre stiʼ ni rapa. Cadi naquiiñeʼ diʼ guinabadiidxabe cani cucaadiaga pa riuuláʼdxicaʼ guseendacaʼ diuxi ra nuu ca binni ridagulisaa de ra zeeda ni bidii libana ca. Óraca zanábabe bíchinu ni chiguundané laanu revista Torre stiʼ ni rapa quiibaʼ lu plataforma.

Bíchinu ni chiguundané laanu revista Torre stiʼ ni rapa zaníʼ xi primé diidxaʼ riuundaʼ chiguzulúneni. Zuundanebe laanu revista ca casi modo nexheʼ gácani, ne ora guilúxebe zaniʼbe xi diidxaʼ riuundaʼ guiluxeneni. Nuu tiru zanábabe bíchinu ni bidii libana para Guiráʼ Binni guni oración ni guiluxené guendaridagulisaa ca.

Pa chinándanu casi modo nexheʼ gaca ca guendaridagulisaa stinu la? zúninu casi modo runi xcaadxi neza binni ridagulisaa.