Ñee galanruʼ cani la?

Galán guinabadiidxanu zacá ante gusaananenu binni xiixa libru o revista ora maʼ canagucheechenu diidxaʼ. Ca libru ne ca revista ni maʼ guca feu, ni maʼ biree xcolor, ni maʼ nabiidiʼ o ni maʼ gureza la? casi ñaca nusichuunducani ca diidxaʼ sicarú ni zanda gulá binni ni zeeda lúcani ne zándaca pur laacani guiníʼ binni mal de xquidxi Dios.

Xi zanda gúninu para cadi gaca feu cani yaʼ. Stale tu ruyubi ximodo quixhe chaahuiʼ cani ndaaniʼ portafolio o bolsa stiʼ. Casi cúʼcabe libru ti lugar si, ne sti lugar cúʼcabe revista ne folletu, ne sti lugar cúʼcabe tratadu. Ne ora maʼ biquiiñecabe Biblia ne xcaadxi libru ne revista, riuucabe cuidadu cadi guni feúcabe cani ora gudxiguétacabe cani ndaaniʼ portafolio o bolsa stícabe. Nuu de cani rucheeche diidxaʼ riguu chaahuicaʼ cani ndaaniʼ xiixa carpeta. Intiicapeʼ gúninu para cadi gaca feúcani, ni jma risaca nga cadi gudiʼnu lugar guiníʼ binni mal de dxiiñaʼ ni cayúninu guni laacani (2 Cor. 6:3).