«Zacaaʼ guiʼchiʼ stiuʼ pa guicaaluʼ tobi stinneʼ»
Nuu binni qué riná guicaa libru o revista stinu pa qué guicaanu tobi sticaʼ. Peru cumu stale biaje cadi jneza ni rusiidiʼ ca guiʼchiʼ ni ribee ca religión ca la? cadi jneza diʼ guicaanu stícabe para si guicaacabe stinu. Ximodo zanda guicábinu ca binni riʼ né respetu yaʼ (Rom. 1:25). Zanda guicábinu sicaríʼ: «Xquíxepeʼ lii, peru xi cusiidiʼ guiʼchiʼ stiuʼ riʼ yaʼ. Ñee cusiidini ximodo chigaca chaahuiʼ ca guendanagana napa binni yanna la? [Guleza guicábibe. Pa guinábabe lii gúʼndaluʼ ni para gannuʼ ni canabadiidxuʼ laabe la? gudxi laabe xi biʼnuʼ primé: bisieʼnu xidé caníʼ guiʼxhiʼ stiuʼ ante gaʼbuʼ laabe pa ziaananebe ni. De racá maʼ zanda gúʼndaluʼ o guzeeteluʼ xiná Mateo 6:9, 10, TNM.] Ca versículo riʼ cusiénecani xi bisiidiʼ Jesús: zaquiiñeʼ Dios Reinu stiʼ para guni ni maca gudixhe ique gaca lu Guidxilayú. Nga runi, para guundaʼ ti guiʼchiʼ stiʼ sti religión la? naquiiñeʼ gannaʼ pa caniʼni de Reinu stiʼ Dios. Ñee zanda guundaniáʼ lii chupa chonna textu zeeda lu Biblia para gulueeʼ lii xi guiráʼ chiguni gobiernu riʼ la?».