Gápanu xquendabiaaninu
1. Xi láʼ guendaridagulisaa roʼ de ti dxi ni chigápanu iza dxiiñaʼ 2013, ne ximodo zacaneni laanu.
1 Guiráʼ dxi ridxaagalunu stale cosa ni rucaa laanu cadi gulábinu xquendabiaaninu, nga runi guendaridagulisaa roʼ de ti dxi ni chigápanu iza dxiiñaʼ 2013 zaree lani «Gápanu xquendabiaaninu». Ne guendaridagulisaa riʼ zuzulú ni 1 stiʼ septiembre 2012 (1 Tim. 1:19). Guʼtaʼ chaahuiʼ guiráʼ ni chitiidiʼ luni para gacanécani laanu guiníʼ íquenu ximodo zanda iquiiñenu guendabiaaniʼ ni bidii Dios laanu.
2. Gunáʼ nga ca guendarinabadiidxaʼ ni zacábicabe lu guendaridagulisaa riʼ.
2 Cani chiguieeteʼ lu guendaridagulisaa ca. Ndiʼ nga gadxe guendarinabadiidxaʼ ni zacábinu lu guendaridagulisaa ca:
• Xi zanda gucaa laanu guiníʼ íquenu ni cadi jneza.
• Xi zacané laanu guizíʼdinu guiníʼ íquenu jneza.
• Xi zanda gúninu para cadi gápanu donda pur gati tuuxa.
• Xi rusihuínninu ora riníʼ íquenu ca conseju ni zeeda lu Biblia ne ora chinándanu cani lu guiráʼ ni gúninu.
• Xi zanda gúninu para cadi guninanu tuuxa purtiʼ gadxé modo riníʼ ique.
• Xi zanda guni cani nahuiiniʼ para cadi gucheecaʼ ora guidxaagalucaʼ xiixa guendanagana.
• Ora maʼ bisiidiʼ binni xquendabiaaniʼ chinanda ni ná Biblia, xi zabeendú ora gulabi ni gábini laa.
3. Ximodo zanda cueendunu ni galán lu guendaridagulisaa de ti dxi ca.
3 Jiobá zacané laanu guni huantarnu intiica guendanagana ni gulaa Binidxabaʼ luguianu para gusaananu de guiníʼ íquenu jneza. Bixhózenu ni nadxii laanu riquiiñeʼ Stiidxaʼ ne xquidxi para gabi laanu ca diidxaʼ riʼ: «Ndiʼ nga neza ca. Lasá luni» (Is. 30:21). Guendaridagulisaa de ti dxi ca nga tobi de ca modo rusiidiʼ Jiobá laanu. Nga runi, biʼniʼ stipa ti ganda cheluʼ guidubi dxi ca. Bicaadiaga chaahuiʼ ne guníʼ ique ximodo zanda chinándaluʼ ni guiziidiluʼ racá. Lagüíʼ diidxaʼ casi familia ni biziiditu. Ora chinándanu ni ná ca conseju stiʼ Dios, zaníʼ íquenu jneza ne qué zudiʼnu lugar cueechú cani nuu ndaaniʼ guidxilayú stiʼ Binidxabaʼ riʼ laanu (1 Ped. 3:16).