Iquiiñenu jw.org para gucheechenu diidxaʼ: «Guca xhamigu Jiobá»

Lu ndaa «Libru ne revista» ni nuu lu jw.org zeeda caadxi videu para ca xcuidihuiiniʼ ni láʼ «“Guca xhamigu Jiobá”». (Lu diidxastiá, ndaa riʼ napa videu, canción ne xcaadxi cosa ni zanda guni ca xcuidihuiiniʼ.) Ñee huaquiiñenu ndaa riʼ ora maʼ cucheechenu diidxaʼ la? Xiñee qué guluinu ni ca binni ridúʼndanenu Biblia pa nuu de laacaʼ nápacaʼ xiiñicaʼ nahuiiniʼ yaʼ. Zándaca nga gucaa laacaʼ gúʼyacaʼ xiruʼ nuu lu sitiu ni nápanu lu Internet.

Ora bidii ti xpinni Cristu tratadu Ca diidxaʼ nacubi stiʼ Reinu númeru 38 ti gunaa napa xiiñiʼ nahuiiniʼ, nagueendaca bizulú gunaa que biindaʼ ni. Ca xiiñibe laaca nuucaʼ gánnacaʼ xi na tratadu que. Ni biʼniʼ xpinni Cristu riʼ óraque nga bisiene laacabe xi nani ne laaca biluíʼ laacabe sitiu ni nápanu lu Internet ni zeeda últimu yaza stini. Cumu nabé guyuulaʼdxiʼ gunaa riʼ ni biʼniʼ xpinni Cristu que la? biluiʼbe laacaʼ tobi de ca videu stiʼ Caleb lu teléfono stibe.

Ti gunaa xpinni Cristu, bizeetebe lu ti gunaa runinebe dxiiñaʼ ni napa xiiñiʼ nahuiiniʼ de jw.org. Ne gúdxibe laa lu sitiu ni nuu lu Internet zadxela ni zanda gacané laa ne binnilidxi. Gunaa riʼ guyuu lu sitiu stinu né ca xiiñiʼ. Despué gúdxibe xpinni Cristu que cayuundaʼ ca xiiñibe diidxaʼ riuundaʼ ni láʼ «Predica la palabra», ni nuu diidxastiá, ni zeeda lu ndaa ni láʼ «Guca xhamigu Jiobá».

Cadi dxandíʼ nabé risaca gánnanu xi guiráʼ nuu lu ndaa ni napa jw.org riʼ ne guindétenu ca videu, ca diidxaʼ riuundaʼ ne xcaadxi cosa ni zanda guni ca xcuidihuiiniʼ la? Pa gánnanu xi guiráʼ napa ndaa riʼ, zanda iquiiñenu ni ora maʼ zigucheechenu diidxaʼ ne zacá zúninu xhiiñaʼ Señor casi esclavu (Hech. 20:19).