Modo gucheecheluʼ diidxaʼ jma jneza: bisiidiʼ estudiante stiluʼ gucheeche diidxaʼ

Xiñee risaca gúniluʼ ni. Cani nacubi guca xpinni Jesús naquiiñeʼ guiziidicaʼ gúnicaʼ guiráʼ ni biʼniʼ mandarbe ne tobi de laacani nga gusiidicaʼ binni ni dxandíʼ (Mat. 28:19, 20). Stale estudiante cá lacaʼ lu Scuela stiʼ cani Rucheeche Diidxaʼ ne zándaca ruíʼnecaʼ binnilídxicaʼ ne xhamígucaʼ ni caziidicaʼ. Peru ra chuuláʼdxicabe gúnicabe ni caziidicabe ne ra guiénecabe racalaʼdxiʼ Jiobá ganna binni ca diidxaʼ nacubi ne galán la? zándaca guiníʼcabe maʼ rápacabe gana gucheechecabe diidxaʼ ne zacá nga cusihuínnicabe caniisicabe en sentidu espiritual (Rom. 10:13, 14). Despué de guiníʼ ca binnigola maʼ zanda gucheechenécabe congregación diidxaʼ, naquiiñeʼ chuʼ tu guluíʼ laacabe ximodo gúnicabe ni ti cadi guidxíbicabe (Luc. 6:40).