Caadxi modo zanda guinínenu binni

Torre stiʼ ni rapa 1 stiʼ septiembre

«Ñee nannuʼ xiñee ladu testigu stiʼ Jiobá la? [Guleza guicábibe.] Lu Biblia gucuaadu lá riʼ. Luni na Jiobá nga láʼ Dios. [Biindaʼ Salmo 83:18.] Testigu stibe laadu purtiʼ rinidu xi guiráʼ cosa sicarú naguixhe ique Dios guni para binni guidxilayú. Stale binni huaxiéʼ galán ni riníʼ íquecaʼ de laadu. Revista riʼ zacané lii gunibiáʼ chaahuiluʼ ca testigu stiʼ Jiobá.»

Ñee ziuu dxi guiree guiráʼ yuubaʼ la?

«Cusaananedu tratadu riʼ guiráʼ binni nabeza ladu riʼ. [Bidii laabe tratadu ca ne gunabadiidxaʼ laabe ni zeeda lu primé yaza stini. Despué de gucaadiágaluʼ ni guicábibe, biluíʼ laabe xi rusiidiʼ Biblia ne guluu gana laabe gúʼndabe tratadu ca ora gápabe tiempu.] Stale binni qué ganna pa ricabi Biblia ca guendarinabadiidxaʼ zeeda raríʼ.» Biluíʼ laabe últimu yaza stiʼ tratadu ca ra zeeda folletu Ca diidxaʼ sicarú ni zeeda de Dios ne gunabadiidxaʼ laabe padxí zanda güitu diidxaʼ sti biaje.