Naquiiñeʼ gaca prepararnu para gusíʼdinu jneza

Biaʼ chupa biaje, gunabadiidxaʼ binni Jesús xi gúnicaʼ para guicaacaʼ guendanabani ni qué zaluxe. Primeru biiyabe xi caquiiñeʼ cada tobi de laacaʼ para gunda bicábibe (Luc. 10:25-28; 18:18-20). Zacaca nga gúninu, neca maʼ nanna chaahuinu tema ni chigusíʼdinu estudiante stinu, galán guiníʼ íquenu xi caquiiñebe ora maʼ cayaca prepararnu. Zanda guinabadiidxanu: Nuu xiixa ni raca nagana para laabe guiénebe o guni crebe la? Gunáʼ versículo stiʼ Biblia ni zeeda lu ca párrafo ca naquiiñeʼ guidúʼndanenu laabe yaʼ. Panda párrafo zanda guidúʼndanenu laabe. Zándaca caquiiñeʼ guiníʼ íquenu xi ejemplu iquiiñenu, ximodo gusiénenu ni cusíʼdinu ne xi guinabadiidxanu ti guiénebe tema ni cadúʼndanenu laabe. Laaca naquiiñeʼ gánnanu Jiobá nga racané binni chuulaʼdxiʼ guiziidiʼ jma de laa. Nga runi, naquiiñeʼ guinábanu laabe uguube ndaayaʼ estudiante stinu, ne guinábanu gacanebe laanu gaca preparar chaahuinu ante chigudiʼnu estudiu ne cuʼbe ndaayaʼ stipa cayúninu para gacanenu estudiante stinu (1 Cor. 3:6; Sant. 1:5).