Ximodo iquiiñenu folletu Tuu nga cani cayuni ni na Jiobá ca dxi riʼ

Folletu Tuu nga cani cayuni ni na Jiobá ca dxi riʼ, guca ni para guidúʼndanenu ni binni rudiʼnu estudiu, zanda guidúʼndanu ni ante o despué de cada estudiu.a Ndaa 1 hasta 4 cusiene ni tu laadu; ndaa 5 hasta 14 cusiene xi dxiiñaʼ rúnidu, ne ndaa 15 hasta 28 cusiene ximodo rúnidu dxiiñaʼ. Jma galán pa gúʼndatu de ra ruzulú ni hasta ra riluxe ni, peru pa naʼ estudiante ca gúʼndatu xiixa tema ni chuulaʼdxiʼ la? laaca zanda. Lu ti yaza si zeeda cada ndaa stiʼ folletu riʼ ne zanda guidúʼndanenu ni estudiante stinu gaayuʼ o chii minutu.

• 

  Bisiene pregunta ni zeeda ra ruzulú cada ndaa.

• Zanda gúʼndatu guidubi ti yaza stini juntu o pur párrafo.

• Zanda guiniʼtu xi biziiditu ra bíʼndatu. Biquiiñeʼ ca pregunta ni zeeda ra riluxe cada yaza ne ca foto stini. Biindané laabe ca versículo raʼbuʼ caquiiñeʼ gúʼndatu ne bisiene cani laabe. Bisiene ndiʼ laabe: ca subtítulo ni dieʼ negrita ca nga cacabi pregunta ni zeeda ra ruzulú cada ndaa.

• Pa napa ndaa ca recuadru ni láʼ «Para gannuʼ jma» la? biindané ni estudiante stiluʼ ne guluu gana laabe chinándabe sugerencia zeeda luni.