Modo guni predicarnu jma jneza: Biʼniʼ predicar ca binni ciegu

XIÑEE RISACA NI. Stale binni ciegu qué riná guiniʼné tuuxa binni ni qué runibiáʼ. Nga runi naquiiñeʼ guyúbinu modo guinínenu laacabe ti ganda guni predicarnu laacabe. Guizáʼ nadxii Jehová ca binni ciegu ne rizaaláʼdxibe laacaʼ (Le 19:14). Naquiiñeʼ chinándanu ejemplu stiʼ Jehová ne gusihuínninu nadxiinu laacabe ra gacanenu laacabe gunibiáʼcabe Dios.

XIMODO GÚNILUʼ NI

• Biyubi laacabe (Mt 10:11). ¿Ñee runibiaʼluʼ tuuxa ni napa ti familia ciegu la? ¿Ñee nuu xiixa scuela o institución ni ñuulaʼdxiʼ ñapa xiixa publicación para ca binni ciegu la?

• Bisihuinni rizaaláʼdxiluʼ laacabe. Pa gácaluʼ nachaʼhuiʼ ne gusihuínniluʼ rizaaláʼdxiluʼ binni, zaná ca binni ciegu güíneluʼ laacaʼ diidxaʼ. Guniʼné laacabe de xiixa tema ni riguu xizaa ca binni nabeza neza ra lídxibe.

• Gucané laacabe gunibiáʼcabe Jehová. Maʼ biʼniʼ organización stiʼ Jehová publicación ni nuu lu caadxi formatu para gacané ca binni ciegu. Gunabadiidxaʼ binni ciegu gunáʼ de ca formatu riʼ riuulaʼdxiʼ guiziidiʼ iquiiñeʼ. Superintendente de serviciu de congregación naquiiñeʼ guʼyaʼ guinábacabe ca publicación lu formatu ni caquiiñeʼ binni ciegu ca.