Ni zanda guni estudiarluʼ

Ni guni ca xcuidi

Laatu, ca ni napa xiiñiʼ, nápatu ti dxiiñaʼ nabé risaca, laani nga gusiiditu ca xiiñitu de Jehová (Efes. 6:4). Maʼ gulee organización stiʼ Jehová stale información para gacané laatu gúnitu dxiiñaʼ ca. ¿Ximodo zanda iquiiñetu ca ni yaʼ?

• Biyubi información ni caquiiñeluʼ. Lu jw.org nuu stale información para ca xcuidi ne ca joven, laaca nuu stale videu ne caadxi actividad ni zanda gúnicabe.a Para ganda gúʼyaluʼ guiráʼ información ca, guyé ra ná «Ca ni rusiidiʼ Biblia» de racá guyuu ra ná «Xcuidi» o «Ca joven».

• Gulí información ni caquiiñeʼ xiiñiluʼ. Lu sección ni láʼ «Xcuidi», zanda gúʼyaluʼ xi actividad jma zacané xiiñiluʼ.

• Guniʼné xiiñiluʼ de ni cayuundatu. Cadi guluiʼluʼ xiiñiluʼ ca videu ne ca actividad ca para si cuídxibe. Biquiiñeʼ información ca para gusiidiluʼ laabe ne gucané laabe gaca xhamígube Jehová.