«Biziidibe guzuubabe diidxaʼ»

Siempre bizuubaʼ Jesús stiidxaʼ Jehová (Juan 8:29). Yanna, ¿xiñee ná Biblia «biziidibe guzuubabe diidxaʼ pur ca yuubaʼ ni gudíʼdibe yaʼ»? (Heb. 5:8).

Dxi guyuu Jesús lu guidxilayú riʼ, gupa stale guendanagana ni qué ñuu dxi ñapa guibáʼ. Gúpabe xidé bizuubabe stiidxaʼ bixhózebe ne jñaabe, neca nadxiicaʼ Jehová, peru gúcacaʼ binni ruchee (Luc. 2:51). Biʼniʼ huantar Jesús guiráʼ ni biʼniʼ ca xaíque stiʼ ca religión ne ca xaíque guidxi que laa (Mat. 26:59; Mar. 15:15). Laaca guizáʼ naná modo bitiicabe laabe. Biblia ná: «Gúcabe humilde ne bizuubabe diidxaʼ dede bidiibe lugar biiticabe laabe» (Filip. 2:8).

Pur guiráʼ ca ni gudiʼdiʼ Jesús dxi guyuu lu guidxilayú riʼ gunda biziidiʼ xcaadxi modo zanda guzuuba stiidxaʼ Jehová. Ne pur laacani gunda gúcabe Rey ne Sumo Sacerdote, ne riénebe laanu purtiʼ laaca maʼ gudíʼdibe lu guiráʼ ni cadídinu (Heb. 4:15; 5:9). Jma bisisaca ne jma gunnaxhii Jehová laabe purtiʼ biziidibe guzuubabe diidxaʼ. Zaqueca nga laanu, pa guizíʼdinu guzúʼbanu stiidxaʼ Jehová ora gápanu guendanagana la? laaca zannaxhii ne zusisaca Jehová laanu (Sant. 1:4).