Modo gucheecheluʼ diidxaʼ jma jneza: lu territorio ra nuu negocio

Xiñee risaca gúniluʼ ni. Cumu stale binni runi dxiiñaʼ guidubi dxi la? nga runi galán chigüínenu laacaʼ stiidxaʼ Reinu ra rúnicaʼ dxiiñaʼ. Nabé galán rireeche diidxaʼ lu territorio ra nuu negocio, purtiʼ ridxélanu stale binni lugar riʼ ne laaca galán ridxaagalú cani runi dxiiñaʼ ndaaniʼ cani laanu purtiʼ riníʼ íquecaʼ zazinu xiixa. Para cueendú ca publicador ni galán ora gucheechecaʼ diidxaʼ lu territorio ra nuu negocio la? naquiiñeʼ guyúbicaʼ modo guiníʼnecaʼ binni ne gácucaʼ lari jneza (2 Cor. 6:3). Naquiiñeʼ guʼyaʼ chaahuiʼ superintendente de serviciu panda biaje rireeche diidxaʼ lu territorio ra nuu negocio ne tu runi ni.