Diidxaʼ sicarú para guiráʼ binni

Dxi biasa Jesús de lade gueʼtuʼ gucaneni ca discípulo stibe gápacaʼ jma fe ne gúnicaʼ dxiiñaʼ bisaananebe laacaʼ ne stale gana. Casi apóstol Pablu guzá guidubi Asia Menor ne guiráʼ ra rábicabe Mediterráneo para gucanebe guca caadxi neza binni ridagulisaa ne gucanebe ca xpinni Cristu guni huantarcaʼ ora sananda binni laacaʼ ne gucanebe laacaʼ gucaanacaʼ cosa malu. Neca bidxaagalú ca xpinni Cristu ca guendanagana ca la? bidálecabe.

Dede apóstol Pablu biteguyoocabe laa. Neca zaqué, bicaabe carta para uguube gana ca xpinni Cristu ne gudiibe conseju laacaʼ. Laaca gudixhenabe laacaʼ para gápacaʼ laacaʼ de ca binni ni rudxiideche Dios. Biquiiñeʼ Dios espíritu santu stiʼ para gudxi laabe guiniʼbe ziuu binni ni zeeda gaca casi «gueu» ne «[z]usiguii ca xcaadxi para chi nanda laacaʼ» (Hechos 20:29, 30).

Ra mayaca guiluxe primé siglu, mápeca bizulú guyuu binni ni bidxiideche Dios. Ca dxi que biluíʼ Jesús apóstol Juan ti visión ra bihuinni xi chiguizaaca despué. Ne casi bicaa Juan que, gastiʼ zanda guni ca xhenemigu Dios nin ca maestru ni qué rusiidiʼ ni dxandíʼ para cadi gaca ni naguixhe Dios guni lu Guidxilayú ne ni chiguni para binni. Zucaadiaga ca «binni de irá ladu, de irá guidxi, ni riníʼ adxé adxé idioma» ca diidxaʼ nacubi ne galán stiʼ Reinu stiʼ Dios (Apocalipsis 14:6). Guidubi naca Guidxilayú riʼ zaca ti paraísu, ne guiráʼ cani gacalaʼdxiʼ guni ni na Dios zanda guibani ndaaniʼ ni.

Ñee cadi dxandíʼ galán ca diidxaʼ ca la? Pa zacá ni la? biyubi lu Biblia xi chiguni Dios para binni ne ximodo zacaneni lii yanna ne despué.

Zanda gúʼndaluʼ Biblia lu www.jw.org/zai; nuuni lu 50 diidxaʼ. Racá laaca zadxélaluʼ ca folletu riʼ: Cani zeeda lu Biblia ne Ca diidxaʼ sicarú ni zeeda de Dios, ne libru Xipeʼ ndiʼ cusiidiʼ Biblia ne zaqueca xcaadxi guiʼchiʼ ni cusiene xiñee zanda guni crenu ni na Biblia ne ximodo zanda chinándanu ca conseju ni cudiini para laanu ne para binnilídxinu. Ne pa racaláʼdxiluʼ gánnaluʼ xcaadxi cosa la? zanda guiníʼneluʼ ti testigu stiʼ Jiobá.

(Biree ni lu Hechos, Efesios, Filipenses, Colosenses, Filemón, 1 Juan ne Apocalipsis.)