Imihlangano Yenkonzo KaFebruary
Isonto Eliqala NgoFebruary 3
INgoma 63
10 imiz: Izaziso zebandla neZazizo ezifanelekile kuNkonzo Yethu YoMbuso. Qokomisa ukuhanjiswa komagazini okusekelwe komagazini bamuva. Khuthaza ukufakaza njengeqembu ngempela-sonto.
20 imiz: “Lungiselela Intshumayelo Yakho YangoFebruary.” (10 imiz.) Imibuzo nezimpendulo. (8 imiz.) Imiboniso elungiselelwe kahle yezintshumayelo ezimbili noma ezintathu ezisikiselwe eziyifanelekela kahle insimu yebandla. (2 imiz.) Khuthaza bonke ukuba bafunde futhi basebenzise eyodwa noma ngaphezulu ezintshumayelweni ezisikiselwe.
15 imiz: “UAdamu NoEva,” incwadi ethi Ukubonisana, amakhasi 220-3. (5 imiz.) Inkulumo eyisingeniso esekelwe ekwazisweni okungaphansi kwesihlokwana esithi “Ingabe uAdamu noEva babemane bengabantu bokucatshangelwa nje?” (6 imiz.) Umboniso wempindelo eyenziwa kumuntu ummemezeli ayemshiye nombuzo othi “Ingabe isono sika-Adamu sasiyintando kaNkulunkulu, icebo likaNkulunkulu?” (4 imiz.) Khuthaza ukusetshenziswa kwengxenye ethi “Uma Umuntu Ethi—” esezihlokweni zencwadi ethi Ukubonisana ezindabeni okungaxoxwa ngazo lapho kwenziwa izimpindelo. Caphuna izibonelo ezengeziwe.
INgoma 30 nomthandazo wokuphetha.
Isonto Eliqala NgoFebruary 10
INgoma 215
10 imiz: Izaziso zebandla, kuhlanganise namalungiselelo enkonzo angalelosonto. Khuthaza umzamo owengeziwe wokwenza izimpindelo kulelisonto nakulenyanga. LoMhlangano Wenkonzo uzochaza futhi ubonise izintshumayelo ezine eziwusizo ezingasetshenziswa lapho kuphindelwa kubantu abathakazelayo. Khetha eyodwa noma ezengeziwe ongazisebenzisa kulelisonto.
20 imiz: “Ukuqalisa Ingxoxo Lapho Wenza Impindelo.” (3 imiz.) Inkulumo eyisingeniso ehlanganisa amaphuzu asezigabeni 1 no-2. (15 imiz.) Imiboniso elungiselelwe kahle yentshumayelo ngayinye kwezintathu ezisezigabeni 3-5. Uma isikhathi sivuma, ngemva komboniso ngamunye, kungakhulunyelwa ukuba usizo kwalezintshumayelo. (2 imiz.) Ngokusekelwe emaphuzwini asesigabeni 6, nikeza isikhuthazo sokuba bonke balungiselele futhi basebenzise okungenani eyodwa yezintshumayelo ezisikiselwe ukuze baqalise izingxoxo nalabo ababebonise isithakazelo.
15 imiz: “Ingabe Ungakwazi Ukuba Iphayona Elisizayo?” Ingxoxo esingethwe umdala nabamemezeli abaningana abaye baba amaphayona asizayo esikhathini esidlule futhi abahlela ukuphinde babhalise ngoMarch nangoApril. Lapho behlanganisa amaphuzu asesihlokweni, labamemezeli bachaza isizathu sokufuna kwabo ukuba amaphayona asizayo. Balandisa nangezibusiso abaye bazithola futhi bachaza ngokulungisa okuye kwadingeka bakwenze ukuze bafinyelele imfuneko yamahora. Ingxoxo igcizelela injabulo yokuba iphayona elisizayo futhi ikhuthaza bonke ukuba bacabangele lelilungelo lenkonzo uma izimo zabo siqu zibavumela. Khuthaza futhi ibandla ukuba liqale ukuhlela manje ukuba libe nengxenye egcwele ngosuku olukhethekile lukamagazini ngoApril 11.
INgoma 114 nomthandazo wokuphetha.
Isonto Eliqala NgoFebruary 17
INgoma 211
10 imiz: Izaziso zebandla, umbiko wezimali, nencwadi evela eNhlanganweni evuma ukwamukela iminikelo. Tusa abazalwane ngokusekela kwabo izithakazelo zoMbuso ngokwezimali. Khuthaza abamemezeli ukuba bahlanganyele enkonzweni yasensimini ngalempela-sonto.
20 imiz: “Qikelela Ukuba Uphindele.” Imibuzo nezimpendulo kanye nemiboniso. Ngemva kokucabangela isigaba 5, yiba nomboniso wokwenza impindelo kumuntu owashiyelwa ipheshana. Ingxoxo iholela esifundweni seBhayibheli ngencwadi ethi Ungaphila Phakade. Ngemva kokucabangela isigaba 6, yiba nomboniso womuntu enza impindelo kumuntu owenqaba incwadi ngaphambili. Ngemva komboniso, buza ummemezeli isizathu esimenze waphindela kulomuntu owenqaba ukuthatha incwadi ekuhambeleni kokuqala.
15 imiz: “Ukuhlangabezana Ngenjabulo Nezidingo Zesivuno.” Ukuhlanganiswa kwezigaba 1-16 ngemibuzo nezimpendulo. Gcizelela izinzuzo zokuthinta IKomiti Yokwakha Yesifunda ngaphambi kokuqalisa umsebenzi wokwakha iHholo LoMbuso. Siza bonke ukuba babone isidingo sokuyisebenzisa ngokuhlakanipha imali enikelwe ngokuthenga ngokucophelela, ipulani engenamicikilisho, futhi bagcine umbhalo wayo yonke imali esetshenziswayo.
INgoma 133 nomthandazo wokuphetha.
Isonto Eliqala NgoFebruary 24
INgoma 115
10 imiz: Izaziso zebandla, kanye namalungiselelo enkonzo yasensimini alelisonto, kanye neZindaba EzingokwaseZulwini.
15 imiz: “Ukusekela Amaphayona.” Imibuzo nezimpendulo kanye nengxoxo nabathile. Gcizelela izibusiso ezijatshulelwa yilo lonke ibandla lapho amaphayona enikezwa ukusekela okudingekayo. Xoxa namaphayona, uqokomisa indlela abadala nabanye ebandleni abaye bawasiza ngayo enkonzweni yawo yamaphayona.
20 imiz: “Ukuhlangabezana Ngenjabulo Nezidingo Zesivuno.” Ingxoxo esekelwe ezigabeni 17-37 zesenezelo ephakathi kwabazalwane ababili abaye bahlanganyela emsebenzini wokwakhiwa kweHholo LoMbuso endaweni eseduze uma bekhona. Isidingo sezisebenzi zokuzithandela ezengeziwe kufanele siqokonyiswe kanye nencazelo yenqubo ezolandelwa ekugcwaliseni iKingdom Hall Construction Worker Questionnaire. Veza ukuthi obani abafanelekela ukufaka lamafomu. Hlanganisa nokuhlangenwe nakho okukhuthazayo okungenzeka kwajatshulelwa emisebenzini yokwakha eyenziwa endaweni yakini.
INgoma 43 nomthandazo wokuphetha.