Иаҳәозеи Абиблиа?

Дызусҭада Аџьныш?

ШӘГӘЫ ИШԤААНАГО, Аџьныш — ари...

• иумбо хаҭароума?

• ауаҩы илоу ацәгьароума?

• ауаҩы ихы иҭиҳәааз аӡә иоума?

АБИБЛИА ИАҲӘО

Аџьныш Иисус Христос диацәажәон «иԥышәаразы» (Матфеи 4:1—4). Убри аҟынтә Аџьныш баша ауаа рхы иҭырҳәааз, мамзаргьы баша ацәгьара иасимволу аӡә иакәӡам. Иара — иумбо ицәгьоу хаҭароуп.

АБИБЛИА АҞЫНТӘ ЕИҬА ЕИЛАҲКААР ҲАЛШО

• Раԥхьаӡа Аџьныш дмаалықьын, аха уи «иҽизнымкылт алашараҿ» (Иоанн 8:44). Иара дымцҳәаҩхеит, насгьы Анцәа диҿагылеит.

• Уи аҿагылараҿы Аҩсҭаа егьырҭ амаалықьцәагьы идгылеит (Аатра 12:9).

• Аџьныш дыҟамызшәа аӡәырҩы ауаа ргәы иаанагаларц азы, рыхшыҩ ирлашәит (2 Коринфаа рахь 4:4).

Илшома Аџьныш ауаа рнырра?

ШЬОУКЫ АГӘРА РГОИТ Аџьныш инырра хыҭҳәаауп ҳәа, аха даҽа шьоукы ицәгьоу адоуҳақәа рнапаҿы иҟалар ҳәа ишәаӡыӡоит. Шәара шәгә ишԥаанаго?

АБИБЛИА ИАҲӘО

«Адунеи зегьы Ацәгьа имчра аҵаҟа иҟоуп» (1 Иоанн 5:19, АдҾ). Аџьныш ауаатәыҩса зегь анырра ӷәӷәа риҭоит, аха хаҭала зегьы рыԥсҭазаара напхгара аиҭаӡом.

АБИБЛИА АҞЫНТӘ ЕИҬА ЕИЛАҲКААР ҲАЛШО

• Аџьныш имоу анырра арҭбааразы амц ихы иаирхәоит (2 Коринфаа рахь 11:14).

• Ицәгьоу адоуҳақәа ауаҩы дрымҿхаркыр алшоит (Матфеи 12:22).

• Анцәа ицхыраарала Аџьныш шәиҿагылар шәылшоит (Иаков 4:7).