Иаҳәозеи Абиблиа?

Ауаа роума адинхаҵара зхәыцыз?

ШЬОУКЫ РГӘЫ ИААНАГОИТ адинхаҵара зхәыцыз ауаа роуп ҳәа. Егьырҭ адинхаҵара Анцәа иҟынтә ишаауа, насгьы уи иара изааигәахара ишрыцхраауа агәра ргоит. Шәара шәгәы ишԥаанаго?

АБИБЛИА ИАҲӘО

Иҟоуп Анцәа идикыло, ицқьоу амҵахырхәара (Иаков 1:27). Ицқьоу, ма ииашаҵәҟьоу, амҵахырхәара Анцәа иҟынтә ауп ишаауа.

АБИБЛИА АҞЫНТӘ ЕИҬА ЕИЛАҲКААР ҲАЛШО

Адинхаҵара Анцәа игәаԥхара иақәшәарц азы, абиблиатә ҵабырг шьаҭас иамазар ауп (Иоанн 4:23, 24).
Ауаа ргәаанагарақәеи аҵасқәеи шьаҭас измоу адинхаҵара аныҟәгара ҵакы амам (Марк 7:7, 8).

Даҵанакуазар аума ауаҩы адинхаҵара?

АҬАК ШԤАҞАШӘҴАРЫЗ?

Ааи
Мап
Исыздыруам

АБИБЛИА ИАҲӘО

«Аӡәи-аӡәи ҳагәцареибакып, бзиабарала ҳҽеимаҳдап, наҟ-ааҟ, ҳара-ҳара ҳабжьара, абзиара-ахирра бжьаҳҵап. Абас еиԥш иҟоу ҳаиҿцаара-ҳаибабара... тәамбашақә ҳазымныҟәап» (Ауриацәа рахь 10:24, 25). Анцәа иҭахуп имаҵзуҩцәа имҵахырхәаразы еизаларц.

АБИБЛИА АҞЫНТӘ ЕИҬА ЕИЛАҲКААР ҲАЛШО

Анцәа имҵахырхәо рхәаԥшышьақәа рҿы акзаара рымазар ауп (1 Коринфаа рахь 1:10, 11).
Анцәа игәаԥхара иақәшәо адинхаҵара ныҟәызго жәларбжьаратәи аиашьара иахәҭакзар ауп (1 Пиотр 2:17).