Ирҿуҵаар улшозеи акыршықәса Иегова имаҵ зуа?

Адунеи ахьынӡа-наӡааӡо аизарақәа рҿы иҟоуп жәашықәсала азиашара аарԥшны Иегова имаҵ зуа аишьцәеи аиҳәшьцәеи. Ҳара урҭ ирҿаҳҵаар ҳалшо рацәоуп. Дара Иегова иқәгәыӷра иаанаго бзианы ирдыруеит. Иара убас, урҭ еиҭарҳәар рылшоит аорганизациа аҭоурых, насгьы Иегова дышрыцхраауаз еиуеиԥшым ауадаҩрақәа рыхгара. Ҳара иҳалшоит урҭ азиашара аазырԥшуа амаҵзуҩцәа рҟынтә аӡәы аҭаацәаратә мҵахырхәарахь ааԥхьара иаҳҭар, насгьы ҳиҳәар ибеиоу иԥышәа ҳацеиҩишарц.

Уара акыршықәса Иегова имаҵ ууазар, иқәыԥшу аишьцәеи аиҳәшьцәеи ирзеиҭаҳәала Иегова уара угәрахаҵара ширӷәӷәаз. Иакови Иосифи ирымаз аԥышәа еиҳа еиҵбацәаз рҭаацәара алахәылацәа ирыцеиҩыршон (Аҟаз. 48:21, 22; 50:24, 25). Аамҭак ашьҭахь Иегова ижәлар азакәан риҭеит. Уи азакәан излаҳәоз ала, аҭаацәара ахадацәа Иегова иус дуқәа ртәы рхәыҷқәа ирзеиҭарҳәалар акәын (Ҩынтә. 4:9, 10; Аԥсал. 78:4—7). Иахьа аҭаацәеи егьырҭ ақьырсианцәеи ирылшоит иқәыԥшу ақьырсианцәа ирзеиҭарҳәалар Иегова иорганизациаҿы дара рхаҭа ирбаз аихьӡарақәа ртәы.

УАХӘАԤШ АВИДЕОНҴАМҬА «АШЬҬАШӘАРЫЦАРАҚӘА РААН АКЗААРА ҲАХЬЧОИТ», АНАҨС ҴАҞА ИААГОУ АЗҴААРАҚӘА РҬАК ҞАҴА:

• Ишԥареиҷаҳауаз австриатәи афилиал ашьҭашәарыцарақәа ахьыҟаз атәылақәа рҿы инхо ажәабжьҳәаҩцәа?

• Ишԥаадырԥшуаз агәрахаҵара ӷәӷәа арҭ атәылақәа рҿы инхо аишьцәеи аиҳәшьцәеи?

• Избан Румыниа 5 000-ҩык раҟара ажәабжьҳәаҩцәа Иегова иорганизациа изаԥырҵыз, насгьы ишԥахынҳәи урҭ аамҭак ашьҭахь?

• Ишԥарӷәӷәеи ари авидеонҵамҭа уара угәрахаҵара?