Амаҵзураҿы иҳамоу аҟазара еиӷьаҳтәуеит. Ҭелла ажәабжь ҳҳәоит

УИ ЗХАДОУ Ҭелла ажәабжьҳәараa — ари шьаҭанкыла ажәабжь бзиа ауаа рылаҳәара азнеишьақәа ируакуп (Аус. 20:24). Уи иҳанаҭоит алшара еиуеиԥшым аҭагылазаашьақәа ирыхҟьаны хаҭала зҭаара ҳалымшо ауаа Абиблиа иану ажәабжь рзеиҭаҳәара.

УИ ШЫҞАҴАТӘУ

• 

  Уҽазыҟаҵа. Ауаа иргәаԥхо атема алх. Анаҩс аицәажәара аплан шьақәыргыл. Уи рхианы иумаз, иара убас иуҭаххар алшо егьырҭ амыругақәагьы, иаҳҳәап аелектронтә хархәага. Уа заа иаартны иумаз апрограмма JW Library^® ма асаит jw.org^®.

• 

  Аҭынчра аарԥшла. Ухы-уҿы еихаччо абжьааԥны еиԥш уцәажәала, насгьы ауаҩы уаԥхьа дгылоушәа ухы мҩаԥгала. Иаҭахым ааҭгыларақәа ҟаумҵалан.

• 

  Анаҩстәи шәеицәажәараан шәызлацәажәо атема еибышәҳәа. Ауаҩы аинтерес ааирԥшызар ҭелла анаҩстәи шәеицәажәараан еилшәыргар шәылшо атема идгал. Иара убас узацәажәо ауаҩы идугалар улшоит публикациак. Насгьы уи електронтә ԥошьҭала, ма иаабац ԥошьҭала изушьҭыр, мамзаргьы хаҭала изноугар ауеит. Уи адагьы електронтә ԥошьҭала, ма мессенџьерла изушьҭыр улшоит астатиа, ма авидеонҵамҭахь азхьарԥш. Ианаало аамҭазы изеиҭаҳәа Абиблиа аҵара онлаин-акурсқәа (абызшәақәа зегь рыла иҟаӡам) ртәы, насгьы асаит аҿы даҽакы дазхьарԥш.