АҚЬЫРСИАНТӘ ԤСҬАЗААРА

Уазхиоума уара аекономикатә кризис?

Ҳара иџьаҳшьаӡом адунеи аҿы аекономикатә ҭагылазаашьа аҽахьаԥсахуа. Избан? Избанзар ҳара аҵыхәтәантәи амшқәа рынҵәамҭазы ҳанхоит. Уи адагьы Абиблиа ҳаанаԥхьоит «иқәӡаауа [а]мал» ҳақәымгәыӷларц (1Тм 6:17; 2Тм 3:1). Ишԥаҳацхраауеи Иосафат иҿырԥшы, иҟалар алшо акризис аҽазыҟаҵара?

Иосафат егьырҭ ажәларқәа аниҿагыла Иегова диқәгәыӷит (2Аш 20:9—12). Иара убас иара ажәлар ихьчарц азы заа иҽазыҟаиҵеит: ақалақьқәа ирӷәӷәеит, насгьы ар еизганы иргылеит (2Аш 17:1, 2, 12, 13). Ҳара Иосафат ҳаиҿыԥшлароуп. Аамҭа цәгьақәа ҳҽырзыҟаҳҵарц азы Иегова ҳиқәгәыӷлароуп, насгьы усҟан иҳахәаша ак ҟаҳҵалароуп.

ҲҼАЗЫҞАҲҴАР ШԤАҲАЛШО АЕКОНОМИКАТӘ КРИЗИС?

Иеговеи уареи шәеиҩызара рӷәӷәала. Иумоу пату ақәҵаны иузырхала, насгьы Иегова дшухылаԥшуа ала угәрагара рӷәӷәала (Мф 6:26; 1Тм 6:8). Ухы ныҟәугарц азы абиблиатә принципқәа шеилаумго ухазы иӡба (Рм 2:21). Алашара ма аинтернет ҟамлар, Абиблиеи уи шьаҭас измоу апубликациақәеи узларыԥхьало уазхәыц. Икьыԥхьу апубликациақәа маҷк ҵәахны иумаз, насгьы иалшозар, уелектронтә хархәагаҿгьы публикациақәак ҭагалан иумаз.

Ухы зланыҟәугаша. Аекономикатә уадаҩрақәа урықәшәаанӡа ууалқәа шәа, насгьы аԥара шнухуа уацклаԥшла (Ажәм 22:7). Иулшозар, маҷк афатәи иуҭаххар алшо егьырҭ амаҭәарқәеи заа иаахәаны ишьҭаҵа. Аӡәы ауҭра аҟаҵара иӡбар илшоит, ауҭраҭых аахәатәыс имоурц азы.

УАХӘАԤШ АВИДЕОНҴАМҬА «ШӘАЗЫҞАҴОМА ШӘАРА АРЫЦҲАРА?», АНАҨС ҴАҞА ИААГОУ АЗҴААРАҚӘА РҬАК ҞАҴА:

Авидеонҵамҭа «Шәазыҟаҵома шәара арыцҳара?» аҟынтә асахьа. Агьежь иҭаку асахьаҿы иаҳбоит Абиблиа, зда ԥсыхәа ыҟам зҭоу ашәыра, аҭел, насгьы аргылаҩцәа.

Иҟаҳҵар ҳалшозеи арыцҳара ҳҽазыҟаҳҵарц азы?

Аҭак

Авидеонҵамҭа «Шәазыҟаҵома шәара арыцҳара?» аҟынтә асахьа. Аишьцәа ааха зауз ацхыраара рырҭоит: аҩнқәа еиҭашьақәдыргылоит, насгьы аидарамҩангага машьына иҭоу ҭыргоит.

Иҟаҳҵар ҳалшозеи егьырҭ ҳрыцхраарц азы?

Аҭак