Аҵыхәтәантәи амшқәа рҵыхәтәа уазхиаз!

Ҳара аҵыхәтәантәи амшқәа рҵыхәтәазы ҳанхоит, убри аҟынтә арыцҳарақәеи ауадаҩрақәеи еиҳахалоит (2 Тим. 3:1; nwtsty-U, аҭҵааразы аматериал Матф. 24:8 азы). Аԥсабаратә рыцҳарақәа раан Иегова имаҵзуҩцәа иаразнак анапхгара роуеит. Ҳаԥхьаҟа иаҳзыԥшу ҳхаҳгарц азы уажәнатә ҳҽазыҟаҳҵароуп. Уи азы зда ԥсыхәа ыҟам, насгьы доуҳала ҳзырӷәӷәаша ҵәахны иҳамазароуп (Лука 16:10).

• Доуҳала уҽырӷәӷәала. Удоуҳара зырӷәӷәо ашьцыларақәа еизырҳала. Еиуеиԥшым амаҵзура ахкқәа уҽрылархәла. Аишьцәеи аиҳәшьцәеи уааигәа иҟамларгьы ашәара уҽаумҭан (Ис. 30:15). Иухоумыршҭлан: Иеговеи Иисуси есымша уааигәа иҟоуп (od-U 176, абз. 15—17).

• Зда ԥсыхәа ыҟам ҵәахны иумаз. Доусу ихазы ирхианы имоу ашәыра адагьы, аҭаацәарақәа иҵәахны ирымазароуп афатә, аӡы, ахәшәқәа, иара убас акыраамҭа аҩны издәылымҵуа иҟалар ирҭаххар алшо амаҭәақәа (Ажәам. 22:3; g17.5-U 4, 6).

УАХӘАԤШ АВИДЕОНҴАМҬА «ШӘАЗЫҞАҴОМА ШӘАРА АԤСАБАРАТӘ РЫЦҲАРА?», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Ишԥаҳалшо ҳдоуҳара ҳарӷәӷәалар?

• 

  Избан изхадоу:

  • ҳҭел аномер ҳаԥсахзар, аизара аиҳабацәа уи раҳәара?

  • зда ԥсыхәа ҳамам зҭоу ашәыра архиара?

  • шәҭыԥ аҿы иҟалар алшо аԥсабаратә рыцҳарақәа раан шәхы шымҩаԥыжәгаша азхәыцра?

• 

  Ҳрыцхраар шԥаҳалшо аԥсабаратә рыцҳара иақәшәаз? Еиқәышәыԥхьаӡа х-знеишьак.

УХЫ УАЗҴАА: «Ишԥасеилнаркааи COVID-19 арыцҳарақәа еиӷьны рҽырзыҟаҵара шсыхәҭоу?»