ИХӘАРҬОУ АЛАБЖЬАРАҚӘА
Абиблиатә жәеинраалақәа шгәынкылалатәу
Зныкыр ишәцәыуадаҩхахьоума Абиблиа аҿы иану бзиа ижәбо ажәеинраала аԥшаара? Иҟалап шәгәы зырҭынчшаз ма ииашам ахәыцрақәа риааира ишәыцхраашаз акы шәашьҭазҭгьы. Мамзаргьы иҟалап жәеинраалак ԥшааны аӡәы ишәырбар шәҭахызҭгьы (Аԥсал. 119:11, 111). Ҵаҟа иаагоуп абиблиатә жәеинраалақәа ргәынкылара ишәыцхраауа лабжьарақәак.
Апрограмма JW Library® аҿы атегқәа шәхы иашәырхәала. «Бзиа избо ажәеинраалақәа» ҳәа хьӡыс иаҭаны атегa ҟашәҵа. Уахь игәнышәкыларц ишәҭаху ажәеинраалақәа ҭажәгалала.
Ажәеинраала иахьыжәбарҭоу ҭыԥк ашәҭ. Бӷьыцк аҿы ажәеинраала анҵаны асаркьа ма ахолодильник иадшәырҷабыр ауеит. Мамзаргьы ажәеинраала иақәҭыхны шәкомпиутер ма шәҭел анаашәыртуа ицәырҵлартә еиԥш ишьақәшәыргылар ауеит.
Акарточкақәа шәхы иашәырхәала. Акарточка ганк аҿы Абиблиа аҟынтә ажәеинраала анышәҵа, егьи аган аҿы — ашәҟәы ахьӡ, ахы, насгьы ажәеинраала. Анаҩс акарточка аҿы иану ажәеинраала шәаԥхьаны уи Абиблиаҿы иахьану шәгәалашәыршәа, нас ажәеинраала ахьынтәиаагоу шәахәаԥшны уа иану шәгәалашәыршәа.
a Ари афункциа атәы еилышәкаарц азы шәахәаԥш апрограмма JW Library аҿы иаагоу авидеонҵамҭа «Аҵаҩцәа разыҟаҵара иаҳзаанаго агәырӷьара. Иегова ицхыраара шәыдышәкылала: Абиблиа аҭҵааразы амыругақәа» (Абиблиотека > Авидео > Ҳаизарақәеи ҳмаҵзуреи > Ҳҟазара еиӷьаҳтәуеит), насгьы асаит jw.org аҿы иаагоу авидеонҵамҭа «Ҳорганизациа еихьӡарас иҟанаҵаз. Апрограмма JW Library ахархәаразы алабжьарақәа».