АҚЬЫРСИАНТӘ ԤСҬАЗААРА
Абиблиа аҵара иазку авидеонҵамҭа шәхы иашәырхәар шшәылшо
Ҳара иҳамоуп ажәабжьҳәараҿы ҳхы иаҳархәалар ҳалшо Абиблиа аҵара иазку авидеонҵамҭақәа ԥшьба. Урҭ зегьы рхатә хықәкқәа рымоуп. Иарбан?
«Изаҭахузеи Абиблиа аилкаара?» (инарҭбаау авидеонҵамҭа). Ари авидеонҵамҭа хықәкыс иамоуп ауаҩы зыгәра игозаалакгьы, Абиблиа ахь аинтерес изцәыргара. Уи авидеонҵамҭа ауаҩы игәазҭанаҵоит ихадоу азҵаарақәа рҭак Абиблиаҿы рыԥшаара. Уи адагьы уа иаагоуп, Абиблиа ус еиԥш иҟоу азҵаарақәа рҭак шыҟанаҵо узырбо аҿырԥшы. Иара убас уи авидеонҵамҭа ауаҩы Абиблиа аҵара даҳәар шилшо иеилнаркаауеит.
«Изаҭахузеи Абиблиа аилкаара?» (икьаҿу авидеонҵамҭа). Ари авидеонҵамҭа хыхь зыӡбахә ҳәаз авидеонҵамҭа иеиԥшуп, аха хынтә раҟара икьаҿуп. Уи ҳхы иаҳархәалар ҳалшоит ауаа ахьыццакуа аҭыԥқәа рҿы ажәабжь анаҳҳәо.
«Ишԥамҩаԥысуеи абиблиатә ҵара?». Ари авидеонҵамҭа хықәкыс иамоуп хәыда-ԥсада имҩаԥаҳго абиблиатә курс ахь ауаҩы аинтерес изцәыргара, насгьы уи иазкны лассы-лассы ауаа ирызцәырҵуа азҵаарақәа рҭак аҟаҵара. Иара убас уи авидеонҵамҭа ауаҩы Абиблиа аҵара даҳәар шилшо иеилнаркаауеит.
«Шәааҳаԥхьоит Абиблиа аҵарахьы!». Ари авидеонҵамҭа Абиблиа зҵо ауаҩы иҳарбар ҳалшоит. Уи авидеонҵамҭа ашәҟәы «Шәалагәырӷьала аԥсҭазаара иахьагьы наӡаӡагьы!» аҩбатәи адаҟьаҿы иаагоуп, аха уи ауаҩы ишәырбар шәылшоит аброшиура «Шәалагәырӷьала аԥсҭазаара иахьагьы наӡаӡагьы!» ала Абиблиа анишәырҵо. Авидеонҵамҭаҿы ашәҟәы аҵакы иахцәажәоит, насгьы ауаҩы Абиблиа аҵара шымҩаԥысуа иеилнаркаауеит.
Арҭ авидеонҵамҭақәа рхатә хықәкқәа шрымоугьы, урҭ ауаа идҳарбалар, ма ирзыҳашьҭлар ҳалшоит иахәҭоуп ҳәа ианыҳаԥхьаӡо. Ҳара зегьы арҭ авидеонҵамҭақәа ибзианы ҳрыхәаԥшыр, насгьы ажәабжьҳәараҿы ҳхы иаҳархәалар бзиоуп.