Авидеонҵамҭақәа рыла идырҵала

Авидеонҵамҭақәа, асахьақәа, атаблицақәа, насгьы ахсаалақәа абиблиатә ҵара аинтерес аҵаны иҟарҵоит, аматериал аилкаареи агәынкылареи иуцхраауеит. Ҳамҩақәҵаҩ Ду, Иеговагьы, ихадаз акы ауаа идирҵарц аниҭахыз алабҿабатә хархәагақәа ихы иаирхәон (Аҟаз. 15:5; Иер. 18:1—6). Ус еиԥш иҟаз арҵаратә знеишьа ихы иаирхәон Арҵаҩ Ду, Иисус Христосгьы (Матф. 18:2—6; 22:19—21). Урҭ азнеишьақәа зегьы рҟынтә аҵыхәтәантәи ашықәсқәа рзы еиҳа хәарҭара злоу ракәны иҟалеит авидеонҵамҭақәа. Ухы иаурхәома уара лассы-лассы арҵараҿы авидеонҵамҭақәа?

Аброшиура «Ажәабжь бзиа Анцәа иҟынтә» азы еиқәыршәан авидеонҵамҭақәа 10. Аброшиураҿы ижәпоу ашрифт ала иану азҵаарақәеи урҭ ирыдҳәалоу авидеонҵамҭақәа рыхьыӡқәеи еиԥшуп. Асаит jw.org аҟны ари аброшиура аелектронтә версиа аҿы иамоуп ахьарԥшқәа. Урҭ ахьарԥшқәа иҳаҵарҳәоит иарбан абзацу авидеонҵамҭа зыдҳәалоу. Уи адагьы, ҳмыругақәа рҟынтә иҟоуп еиҭа авидеонҵамҭақәа егьырҭ арҵаратә публикациақәа рзы.

Иҟалап Абиблиа зҵои уареи еилшәыргозар зеилкаара уадаҩу темак. Мамзаргьы иара уадаҩрак дақәшәазар. Усҟан иԥшаа иара иҭагылазаашьа ианаало авидеонҵамҭа асаит jw.org® ма JW Broadcasting® аҟны. Уи шәеицахәаԥш, насгьы еицеилшәырга.

Есымза иҿыцу авидеонҵамҭақәа ҭыҵуеит. Урҭ уанрыхәаԥшуа, уазхәыцла арҵараҿы ухы иаурхәар шулшо.