Ажәытәан Анцәа ауаа иҟарҵоз агәнаҳақәа ранаижьуан

Иисус иԥсы ҳахҭынҵаны ишьа ахькеиҭәаз абзоуралоуп ҳагәнаҳақәа ҳанажьхар злалшо (Еф. 1:7). Аха Абиблиаҿы иануп Анцәа «ажәытәан ачҳара аарԥшны ауаа иҟарҵоз агәнаҳақәа [ш]ранаижьуаз», даҽакала иуҳәозар, Иисус ауаа иԥсы рыхҭынҵаны иҿихаанӡа (Рим. 3:25). Ишԥаилшоз Иегова ауаа ҿихаанӡа рыгәнаҳақәа ранажьра, аха убри аамҭазгьы ииашоу инормақәа реиламгара?

Иегова Авраам ахылҵ дышииҭо данақәиргәыӷуаз, иара изы аҿыхра ахә ишәаз иаҩызан (Аҟаз. 3:15; 22:18). Иегова агәра ганы дыҟан иазалху аамҭазы Иԥазаҵә лакҩакрак ҟамҵакәа ауаа иԥсҭазаара шрыхҭниҵо (Гал. 4:4; Аур. 10:7—10). Иисус адгьыл аҿы данынхоз, ауаа рыгәнаҳақәа ранажьразы амчра иман. Иисус ауаа рыгәнаҳақәа ранажьра илшон, избанзар идыруан иԥсхҭынҵара ахаҵара аазырԥшуаз рыгәнаҳақәа шыхнаҩо (Матф. 9:2—6).