«Гәкажьра ҟаҳамҵароуп»

4:16—18

Ҩ-ҭаацәарак иажәхьоу аҩнаҿы даараӡа иӷарны инхоит. Ҭаацәарак ргәы каҳаны иҟоуп. Егьи аҭаацәара гәырӷьаҵәа иҟоуп. Избан? Аҩбатәи аҭаацәара иаарласны иԥшӡоу аҩн ҿыц ахь ииасуеит.

Абиблиаҿы иануп «иаԥу зегьы гәаҟ-ҵәаҟрала ишаԥу, ишеиҵақьуа» (Рим. 8:22). Аха Анцәа имаҵзуҩцәа амч рызҭо агәыӷра рымоуп. Ҳара еилаҳкаауеит ҳауадаҩрақәа, жәашықәсала ҳзыргәаҟуагьы уахь иналаҵаны, шаамҭалатәу, насгьы урҭ усҟак рыҵаркуа ишыҟам. Ҳаԥхьаҟа Аҳра иаҳзаанаго азылԥхарақәа ҳанрызхәыцуа ҳара агәырӷьара ҳауеит, насгьы ҳгәы каҳажьӡом.