Ọghaaph Ookaragh Ẹkpigh Phọ 11

Ẹkpigh phọ ẹphen phọ ẹkaaph ịlo ạraraar dị ọge sịphe Ịge Iigbia a Grik phọ. Ọde r’onhiin phọ a Jizọs úḍighi rạalha, kụ ụrol ghan kẹn ẹbam ẹmha. A Jizọs aḍighi ghan oḍighi ọkaam ạmaka r’ọde phọ ọdi. A Jizọs kụ kạpel bọ ọmhar awe. Kụ a Jehova mạsaḅar nyọdi oḍighi Uwo ẹmha Ọmhar phọ ọdi. Bụrude r’aburunhiin, ịloghonhaan ḍịghaagh ịbam ạnmuny phọ anyinha ọsereghian ịpe a Jehova amhiigha bọ loor kụ ạsaḅar eghun otu, r’ekpisi phọ kookonhom bọ Jizọs. Kụ ẹmhiin ịpe a Jehova aghoph bọ Jizọs mem mọ ạ Hẹrọd ạwa bọ oghiigh ọdi r’ịdi ịpe phọ eḍeenhaan mọ ịyaar kétue esophoghom ogbi a Jehova. Ẹḅilhe ẹmhiin ịpe a Jehova arom bọ Jọn ookolhobianhaan a Jizọs eten phọ. Kụ ẹḅilhe ẹmhiin ịpe a Jizọs aḍeenhaan bọ k’ẹghoroghor mọ ọdi ạpomhoghian ni ọsu olhoghi phọ a Jehova.