Édé Étidyan Bib Ou Pou Atandé Mitin

Sé mitin-lan byen enpòtan an adowasyon nou. (Sam 22:22) Lè nou asanblé ansanm pou adowé Jéhova, nou ka twapé lajwa èk bennédiksyon. (Sam 65:4) Sé étidyan Bib-la ka fè pwogwé pli vit lè yo atandé sé mitin-lan wéglé.

Ki mannyè ou sa édé étidyan Bib ou pou atandé mitin? Kontiné envité yo pou atandé mitin. Moutwé yo vidiyo-a Kisa Ki Ka Pwan Kou An Sé Mitin Nou-an? Èk èspliké sé bennéfis-la yo sa twapé an sé mitin-lan. (lff lison 10) Di yo on ti pwen an sa ou apwann adan yon mitin, ében di yo sa nou kay diskité an yonn an sé mitin-lan. Ba yo sé piblikasyon-an nou ka sèvi an sé mitin-lan. Osi, ofè yo asistans. Pitèt ou sa édé yo pou pwan bòs ében twapé yon machin pou atandé mitin. Népòt sa’w fè pou édé yo atandé pwèmyé mitin yo, kay byen bon.—1 Kòr. 14:24, 25.

GADÉ VIDIYO-A ÉDÉ ÉTIDYAN BIB OU POU ATANDÉ MITIN, ÈK APWÉ WÉPONN SÉ KÈSTYON SALA:

• 

  Ki lokazyon Neeta té sèvi pou envité Jade pou atandé mitin?

• 

  Pouki nou ka kontan lè étidyan Bib nou atandé mitin?

• 

  Kisa Jade té èspéyansé lè’y té atandé pwèmyé mitin li?