Édé Étidyan Bib Ou Pou Pa Swiv Mové Konpanni

Pou fè jan épi Jéhova, étidyan Bib ni pou chwazi bon konpanni. (Sam 15:1, 4) Bon konpanni kay enkouwajé yo pou fè sa ki bon.—Pwov. 13:20; lff lison 48.

Lè’w ka édé étidyan Bib ou pou pa swiv mové konpanni, ou ni pou moutwé yo konpasyon. Ou ni pou fè sa paski i pé difisil pou yo doubout pasé tan épi sé jan-an yo té ni avan-an. Konsa, moutwé yo ou antéwésé an yo. Pou ègzanp, sé jou-a ou pa ka étidyé épi yo, ou sa voyé yo on tèks, kwiyé yo, ében ou sa jis pasé wè yo. Kon étidyan’w ka fè pwogwé, ou sa envité yo pou pasé tan épi sé fwè èk sè-a. Lè sala, yo kay wè, yo kay ni pli jan pasé sa yo ka pèd. (Mak 10:29, 30) Ou menm kay ni tjè kontan kon’w ka wè fanmi Jéhova ka agwandi.

GADÉ VIDIYO-A ÉDÉ ÉTIDYAN BIB OU POU PA SWIV MOVÉ KONPANNI, ÈK APWÉ WÉPONN SÉ KÈSTYON SALA:

• Kisa mové konpanni yé?—1 Kòr. 15:33

• Kisa Jade té imajiné sé fwè èk sè-a ka fè lè yo ka pasé tan ansanm?

• Kisa Neeta té fè pou édé Jade ladjé mové konpanni, èk chwazi bon konpanni?