Sèvi Liv-la, Ou Sa Ni On Bon Lavi Pou Tout Tan! Pou Édé Moun Dévlopé Lafwa An Jéhova Èk An Jézi

Étidyan Bib ni pou dévlopé lafwa ki fò, pou yo sa plè Bondyé. (Hib. 11:6) Konsa, nou sa édé yo dévlopé lafwa ki fò, lè nou sèvi liv-la, Ou Sa Ni On Bon Lavi Pou Tout Tan! Liv sala ni lévanjil ki sa touché tjè moun, i ka édé nou wézonnen épi moun adan an mannyè ki byen klè. Osi, i ni bon kwèsyon, bèl vidiyo, èk bèl pòtwé. Lè nou édé étidyan Bib nou pou dévlopé bon kawaktè, èk on bon wilasyon épi Jéhova, sa kay édé yo wèsté fidèl pou Jéhova anba népòt difikilté.—1 Kòr. 3:12-15.

Adan moun pa sa kwè yo sa vini jan épi Bondyé, paski yo pa sa wè’y. Alò, nou ni pou édé yo vini konnèt Jéhova èk konfyé’y.

GADÉ VIDIYO-A SÈVI LIV-LA “OU SA NI ON BON LAVI POU TOUT TAN!” POU ÉDÉ MOUN DÉVLOPÉ LAFWA AN JÉHOVA ÈK APWÉ WÉPONN SÉ KÈSTYON SALA:

• Koumannyè nou sav sésé-a té pwépawé byen pou létid Bib-la?

• Koumannyè sésé-a té sèvi bèl kwèsyon pou édé étidyan Bib li pou di’y mannyè Izaya 41:10, 13 té touché tjè’y?

• Koumannyè vidiyo-a èk sé lévanjil-la té afèkté étidyan-an?

An chay moun pa ka konpwann wanson-an, ében yo pa ka kwè wanson-an sé on kado Jéhova ba yo. (Gal. 2:20) Alò, nou ni pou édé yo bati lafwa an wanson-an.

GADÉ VIDIYO-A SÈVI LIV-LA “OU SA NI ON BON LAVI POU TOUT TAN!” POU ÉDÉ MOUN DÉVLOPÉ LAFWA AN JÉZI ÈK APWÉ WÉPONN SÉ KÈSTYON SALA:

• Koumannyè nou sav fwè-a té pwépawé byen pou létid Bib-la?

• Koumannyè fwè-a té byen chwazi enfòmasyon an ti sèksyon-an “Lòt Enfòmasyon Ou Sa Gadé”, pou édé étidyan-an?

• Pouki i si tèlman enpòtan pou nou pwédyé bay èk épi étidyan Bib nou?