Moutwé Ou Enmen Bondyé

Pou tjenn an jan, ou ni pou palé épi’y. Ou ka kouté’y, èvèk I ka kouté’w. Ou osi ka di moun bon bagay konsèné jan’w. I menm kon lè ou sé jan Bondyé. Konsidiwé sa Bib-la ka di konsèné sa:

Palé bay Jehovah tout lè an lapwiyè. “Toujou pwédyé.”—Ronm 12:12.

Li Pawòl Bondyé, Bib-la. “Tout Lévanjil enspiwé pa Bondyé èvèk I ni bennéfis pou enstwi, pou kowijé, èvèk mété bagay annòd.”—2 Timòfi 3:16.

Enstwi lézòt konsèné Bondyé. “Alé èvèk fè disip an tout nasyon, . . . enstwi yo pou obéyi tout sé bagay-la mwen ja konmandé’w-la.”—Mafyou 28:19, 20.

Vansé pwé jan Bondyé. “Li ki ka maché épi moun ki savan kay vini savan.”—Provèb 13:20.

Atandé mitin an Kingdonm Hòl-la. “Annou toujou katjilé mannyè pou édé yonn a lòt pou enmen èvèk fè bon twavay, . . . ka ankouwajé yonn a lòt.”—Hibrou 10:24, 25.

Sipòté twavay Wéyòm-lan. “Sé pou chak moun [bay] menm kon I désidé an tjè’y pou bay, pa bay épi dé tjè ében paski an moun ka fòsé’y, paski Bondyé enmen an moun ki ka bay épi tout tjè’y.”—2 Kòrint 9:7.