Ladjè Téwib Toubonnman
Moun ki ja éspéyansé ladjè sa di’w ki kantité téwib i téwib. Mi sé sa moun ki sòlda èk moun ki ka wèsté an plas ki ni ladjè ka di:
SÒLDA
“Ou ka toujou wè an chay bagay téwib ka fèt—moun ka blésé mové, èk moun ka jis mò douvan’w. Konsa, ou pa ka janmen santi sòv.”—Gary, Langlitè.
“Yo fouté mwen konmen bal an do mwen èk an vijay mwen. Mwen wè yo tjwé an chay moun, manmay kon gwanmoun. Wi, n’a di’w, ladjè ka fè tjè’w vini wèd.”—Wilmar, Kolombia.
“Lè on moun pwan an bal douvan’w, ou pa sa janmen obliyé sa ou wè-a. Ou kay toujou chonjé kwi-a èk son-an moun-lan té fè-a. Wi, ou pa kay janmen obliyé moun sala. Awa, janmen!”—Zafirah, Lanméwik.
MOUN KI KA WÈSTÉ AN PLAS-LA KI NI LADJÈ
“Mwen ka santi akonmsi mwen pa kay sa janmen ni lajwa ankò, paski mwen pè yo kay tjwé mwen, fanmi mwen èben jan mwen népòt lè.”—Oleksandra, Ukraine.
“Nou té pè paski nou té ni pou doubout adan on ling ka èspéwé manjé dépi dézè bonmaten «2:00 a.m.» pou wivé wonzè òswè «11:00 p.m.». Épi i té posib pou nou twapé on bal lè nou té la.”—Daler, Tajikistan.
“Pawan mwen mò diwan yon ladjè. Konsa, mwen pa té ni pyèsonn pou otjipé mwen èk konfòté mwen.”—Marie, Rwanda.
Magwé sé moun sala soufè annékòz di ladjè, yo ja twapé soulajman èk apwézan yo ka èspéyansé lapé. Plis pasé sa, yo asiwé, tout ladjè èk vyolans kay bout touswit. Gad sala kay sèvi Bib-la pou èspliké mannyè sa kay fèt.