Gyisɛsɩ Kodu Kʋnɛ Tʋ

Mmɩlɩ mɔ Gyisɛsɩ wɔ azɩlɛ yɩ zʋ nɩ, ɩlalɩ ɔlɔlɛ kezile ali ihileli mmenii nkʋ̃ʋ̃ ma ɩvalɩ yɩ nnwʋanlɩ po ɩwɔlɩ afɔlɩ ɩmanlɩ bɛ. (Matiyu 20:28; Dwɔɔnʋ 15:13) Nyamɩnlɩ ɩyɩ Gyisɛsɩ kɛɛ yi Bulombunlililɛ yɩ zʋ Bulombunli, na ɩlɛ́kyɛ bela, Gyisɛsɩ kɛva ɔzɔ tumi mɔɔ ɩwɔ nɩ ‘kɛma kʋnɛ keyiaki wɔ azɩlɛ yɩ munwala zʋ’ na ɩava iahile ɔlɔlɛ mɔɔ ɩwɔ ɩma adasamaa nɩ.—Ndwomi 46:9.

Kila kezimɔ Bayɩbʋlʋ kã nninyeni mɔɔ Gyisɛsɩ kɛyɛ nɩ be nwʋ odwokɔ:

• “Ikele ehyinyianii mɔɔ isũ ɩpɩbɛ mmʋwalɩyɛ nɩ, na ikele kɔhyʋwabanɩ nɩɩ abiyela mɔɔ íni bʋwavʋlɔ nɩ. Ɩkɔnwʋ kɔhyʋwabanɩ nɩɩ ehyinyianii nwɔkɛ na iale bɔ nnwʋanlɩ. Ikele bɛ wɔ nsisi nɩɩ basabasayɛlɛ nwʋ.”—Ndwomi 72:12-14.

Yɛkɛhã a, Gyisɛsɩ yɛ nninyeni sʋ̃maa ma yɛ, na ɩlɛ́kyɛ bela sʋ̃ ɩbayɛ sʋ̃maa ɩkɛhɩnla nwʋ. Kɛ yɛkɛyɛ na yɛahile nwʋmɔ anyɩnlɩzɔlɛ a? Ɔhʋanɩ ɔkʋ̃ yɛ lɛ kɛɛ, yekozuma “Nyamɩnlɩ yi Bulombunlililɛ nɩ nwʋ odwokɔba” yɩ nwʋ dɩyɛ sʋ̃maa. Ɔzɔ odwokɔ yɩ yɛ Gyisɛsɩ ɣa wɔlɩ nwʋmɔ ɛlawulo a. (Luuku 4:43) Kɩnga odwokɔ mɔɔ ise “Nyamɩnlɩ Yɩ Bulombunlililɛ Yɩ, Mɛyɩ Yɛ Lɛ Mɩnla a?”