Yaw muiˬ jeˬ mˇ˗awˇ maˇ diˇ yaw zeu baw˗eu jeˬ neh nui ma˗ahˇ gʼaˬ leˇ

Miˬ zaˬ deuˬ neh yaw muiˬ jeˬ mˇ˗eu heu˗aˬ, kʼaˬ dzeˇ zaˬ˗euˬ nui ma˗ahˇ gʼaˬ leˇ nya˗awˇ, Jaˇliꞈ˗euˬ yaw tsaˬ yaw dawˇ˗ahˇ jiˇ ha geuꞈ laˇ nya˗eu meh. Ehˇ kʼawꞈ heu loꞈ˗ehˇ bi gʼeh laˇ˗eu gʼaˇ duˬ, gʼawˬ mya kʼoꞈ ya oˇ oꞈ˗eu meh. (1 Beˬtuˆluˆ 2:21-23; 3:1, 2) Nawˇ maˬ tsaˬ maˬ dawˇ˗eu jeˬ˗ahˇ oˇ luꞈ naˇ, aˬ myah luꞈ yaw muiˬ jeˬ mˇ˗awˇ yaw haiˬ jeˬ˗ahˇ bi gʼaˬ leˇ˗awˬ. (Loˇmaˆ 12:21) Nawˬ neh yaw muiˬ jeˬ mˇ˗eu heu naˇ, kʼaˬ mehˬ neh ngehˬ˗eu naˆ maˬ tseˇ nui ma˗ahˇ zaw leˇ˗eu meh.

Yawˬ ha˗euˬ nymˇ dahˬ˗euˬ nui noeˬ˗ahˇ kʼaˇ gʼeh nya gaˇ neh leh jeh˗awˇ gʼoˆ shaw nehˬ. (Piˇliˇpiˆ 2:3, 4) Nui nahˬ nui yu ahˇ˗awˇ, gʼawˬ shaˬ gaˬ˗eu uˬ taꞈ, yawˬ ha˗ahˇ doˇ˗eu gaˇ˗ahˇ yaw muiˬ˗ehˇ mˇ˗awˇ, yaw muiˬ˗ehˇ naˇ haˬ˗eu gʼaˬ jiˇ pyeuꞈ. (Yaˬkoˆ 1:19) Oˇ oꞈ˗awˇ, nawˬ˗euˬ nymˇ dahˬ˗ahˇ gaˬ˗eu lehˇ bi siˬ. Aˬ yawꞈ nahˬ yu ni maˬ gʼeh˗eu uˬ taꞈ, nawˬ˗ahˇ yaw zeu maˬ baw kʼawꞈ, nawˬ neh saˇ jaˇ ziꞈ˗eu jeˬ˗ahˇ Yeˬhawˇbaˬ aˇ poeˬ taˬ baw meh lehˇ nawˇ jah nya meh.—1 Beˬtuˆluˆ 2:19, 20.

Aˬ dui kʼaˆ behˆ˗ahˇ pi nya ni Yeˬhawˇbaˬ gʼaˬ biꞈ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Geˇ˗suiˬ Liˬ˗euˬ dehꞈ ziˇ sheuˬ dahˬ dzaˬ beh beh ngeh aˬ joˆ˗ehˇ gʼeh˗euˬ nga?

• Aˬ yawꞈ˗ahˇ Jaˇliꞈ˗euˬ yaw tsaˬ yaw dawˬ˗ahˇ siˬ nya mawꞈ laˇ ni laˆ noeˬ nehˬ˗eu aˬ jeˬ nga?

• Mehˇ nmˇ Geˇ˗suiˬ iˇ cuꞈ shawˇ gʼaˬ naˇ, aˬ joˆ˗ehˇ gʼeh˗eu shaˬ zahˬ˗ahˇ ya daˬ˗euˬ nga?

• Mehˇ nmˇ Geˇ˗suiˬ aˬ yawꞈ˗euˬ kʼaˬ dzeˇ zaˬ nehˬ˗ehˇ taꞈ leˇ˗awˇ, guiˬ lahˬ aˬ joˆ˗ehˇ shaˇ˗euˬ nga?

• Mehˇ nmˇ Geˇ˗suiˬ aˬ yawꞈ˗euˬ kʼaˬ dzeˇ zaˬ˗ahˇ yaw muiˬ jeˬ mˇ nehˬ˗awˇ yaw zeu baw˗eu miˇ neh, aˬ jeˬ jeˇ guiˬ lahˬ za˗euˬ nga?