Nawˇ lehˬ hmˬ taˬ maˬ loˇ?

Nawˬ˗euˬ jawˇ kʼahˬ˗ahˇ uˬ jeˬ jaˬ lehˇ˗euˬ shaˬ zahˬ pyeuꞈ laˇ naˇ, nawˇ lehˬ hmˬ taˬ maˬ loˇ? Miˇ luˆ luˆ˗eu, jaˬ lehˇ lehˇ ma baw˗eu, miˬ dzaˬ puiˆ˗eu, iˇ cuꞈ dahˬ pymˬ laˇ˗eu, heu deuˬ naˇ aˬ myah luꞈ pyeuꞈ laˇ nya˗awˇ guˆ dui dui laˇ paˬ˗ehˇ gʼeh˗eu meh. Kʼoeˇ uˬ taꞈ, aˬ dui maˬ noeˬ˗euˬ gaˇ yaw doeˇ mˇ˗eu deuˬ suˬ saˬ laˇ nya˗awˇ, yaw jaw naˇ˗eu naˇ gawˇ jiˇ pyeuꞈ laˇ nya˗eu meh. (Dawˬtsoˆ 9:11) Aˬ dui˗euˬ jawˇ kʼahˬ˗ahˇ gaˇ kawˆ heu deuˬ maˬ pyeuꞈ laˇ˗eu lehˇ maˬ ya noeˬ˗a.

Aˬ dui yawˬ gʼaˬ na luꞈ uˬ jeˬ jaˬ lehˇ˗euˬ shaˬ zahˬ gʼaˇ duˬ, aˬ jeˬ jeˇ jeˬ hu jeˬ nah ya jahˇ˗eu lehˇ ya lehˬ hmˬ taˬ˗eu meh. (Dawˬdaˬ 22:3) Uˬ jeˬ jaˬ lehˇ˗euˬ shaˬ zahˬ pyeuꞈ laˇ ngeh, Yeˬhawˇbaˬ˗euˬ aˇ maꞈ aˇ muˇ tiˬ jeˬ na caw ba nehˬ kʼawꞈ, aˬ dui jiˇ ya lehˬ hmˬ taˬ˗eu meh.—Gaˬlaˬtiˆ 6:5.

Nawˇ uˬ jeˬ jaˬ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˇ? lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Yeˬhawˇbaˬ nehˬ˗ehˇ gʼoeˇ˗eu heu naˇ, uˬ jeˬ jaˬ lehˇ˗euˬ shaˬ zahˬ pyeuꞈ laˇ ngeh aˬ dui˗ahˇ aˬ joˆ˗ehˇ caw ba˗eu nga?

• 

  Laꞈ oˆ jaˆ˗eu heu smˇ jeˬ jahˇ˗eu heu naˇ, aˬ jeˬ miˇ neh aˇ yeˇ huiˬ˗eu nga?

  • • Uˬ jeˬ jaˬ lehˇ˗euˬ shaˬ zahˬ maˬ pyeuꞈ laˇ mi naˆ˗ehˇ maˬ ehˇ, yaw kaˬ˗ahˇ maˬ ehˇ, pyeuꞈ laˇ˗awˇ maˬ ehˇ, aˬ myah luꞈ aˇ muˇ˗ahˇ sheuˬ gʼeh˗eu deuˬ˗ahˇ ngehˬ cawˬ˗eu

  • • Loˬ˗eu pehˇ tahˇ lehˬ hmˬ taˬ˗eu—g17.5-SI 6

  • • Uˬ jeˬ jaˬ lehˇ˗euˬ shaˬ zahˬ aˬ jeˬ jeˇ pyeuꞈ laˇ nya˗awˇ, teu pyeuꞈ laˇ ngeh aˬ joˆ˗ehˇ ya jahˇ˗eu lehˇ ngehˬ cawˬ

• 

  Aˬ dui uˬ jeˬ jaˬ lehˇ˗euˬ shaˬ zahˬ˗ahˇ ya tahˬ puˬ˗euˬ deuˬ˗ahˇ caw ba nya˗eu 3 jeˬ naˇ, aˬ jeˬ nga?