Tsaꞈ gaˬ˗eu gaˇ˗ahˇ zmˬ iˇ˗eu jeˬ | Miˬyehˇ gaˇ mˇ˗eu laꞈ kʼoeˇ laˬ kʼaˬ bi cehˇ dzehˬ laˇ
Miˬyehˇ˗euˬ dawˬ zmˬ
Miˬyehˇ˗euˬ dawˬ baoˬ ahˇ˗eu meh. (Heˬbyehˇ 4:12) Miˬyehˇ˗ahˇ maˬ siˬ nya˗eu tsawˇ haˬ deuˬ kʼawꞈ, aˬ yawꞈ˗euˬ dawˬ˗ahˇ zahˬ leˇ˗eu meh. (1 Teˇsaˬloˇni 1:9; 2:13) Tsawˇ haˬ deuˬ aˬ dui neh Jaˇliꞈ laꞈ kʼoeˇ˗euˬ gaˇ kawˆ ehˇ nehˬ˗euˬ jeˬ˗ahˇ aˇ poeˬ taˬ baw gaˇ ya mawˇ ngeh aˬ dui laˬ kʼaˬ cehˇ dui dui˗eu ma.
Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Miˬyehˇ˗euˬ dawˬ baoˬ ahˇ˗eu lehˇ bi siˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Niˇdaˬ Jeꞈ˗ahˇ Jaˇliꞈ˗ahˇ neh bi haw ngeh, Miˬyehˇ˗euˬ dawˬ baoˬ ahˇ˗eu lehˇ Jeꞈ˗ahˇ aˬ joˆ˗ehˇ bi siˬ˗euˬ nga?
Niˇdaˬ Jeꞈ˗ahˇ teˇ saˇ bi gui doˆ˗awˇ, teu deuˆ˗euˬ aˇ yeˇ huiˬ˗eu tsahˇ˗ahˇ toeˬ mehˬ ngeh, Jeꞈ˗ahˇ Miˬyehˇ˗euˬ dawˬ baoˬ ahˇ˗eu lehˇ aˬ joˆ˗ehˇ bi siˬ˗euˬ nga?
Jeꞈ Jaˇliꞈ teu deuˆ˗ahˇ zahˬ leˇ˗eu lehˇ aˬ joˆ˗ehˇ siˬ laˇ˗eu nga? Heu naˇ Niˇdaˬ˗ahˇ aˬ joˆ˗ehˇ bi gʼeh leˇ˗euˬ nga?